15 hadoŭ tamu prajšli prezidenckija vybary, na nastupny dzień u centry Minska ŭźnik namiotavy haradok
Piatnaccać hadoŭ tamu — 19 sakavika 2006 hoda — u Biełarusi prajšli prezidenckija vybary. Pavodle CVK, Łukašenka nabraŭ 82,6% hałasoŭ. Milinkievič — 6%, Hajdukievič — 3,5%, Kazulin — 2,3%. Niazhodnyja z vynikami hałasavańnia vyjšli na Kastryčnickuju płošču. Pa roznych padlikach, viečaram 19 sakavika tam sabrałasia ad 10 da 30 tysiač pratestoŭcaŭ.
U toj viečar była mocnaja zavirucha. Mitynh skončyŭsia šeściem da Płoščy Pieramohi.
A na nastupny dzień, 20 sakavika, moładź pryniała rašeńnie zastavacca na Płoščy i pastaviła namioty (u vyniku ich kolkaść vyrasła da troch dziasiatkaŭ), vakoł namiotaŭ stali ščylnym kołam ludzi. Jany patrabavali adstaŭki Łukašenki i ŭrada.
Miastečka pratrymałasia try dni. Spačatku zatrymlivali tych, chto nios udzielnikam pradukty i adzieńnie, a taksama tych, chto adychodziŭ z Płoščy.
Namiotavaje miastečka (jaho nazvali Płošča Kalinoŭskaha) pratrymałasia da nočy 24 sakavika, pakul a 4-j ranicy nie było źniščana siłavikami.
Kala 300 čałaviek byli zatrymanyja i adpraŭlenyja na sutki na Akreścina i ŭ Žodzina.
Adbyłasia začystka i 25 sakavika. Šeście, jakoje ŭznačalvaŭ Alaksandr Kazulin (jaho ŭdzielniki išli na Akreścina), było razahnanaje. Sam Kazulin byŭ zatrymany i asudžany pavodle kryminalnaj spravy.
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary