Buterbrod — heta zaŭsiody dobra, ale časam chočacca bolš zdarovuju ssabojku. Prapanujem skarystacca šeraham rekamiendacyj dyjetołaha, z čaho moža składacca karysny zapakavany abied.
Fota Depositphotos.com
Chleb, bulba i inšyja vuhlavody
- Kolki? Jak minimum adzin pradukt z hetaj katehoryi.
- Prykłady: buterbrody, pita, tarcilja, bulbiany sałat, kus-kus, rys, chlebnyja pałački, krekiery.
- Čamu? Takaja ježa daść enierhiju dla pracy žyćciova važnych tkanak i orhanaŭ, u tym liku i mozhu. Taksama jana bahataja na klatčatku, vitaminy hrupy V i inšyja karysnyja rečyvy.
Sadavina i harodnina
- Kolki? Jak minimum pa adnym pradukcie z abiedźviuch katehoryj.
- Prykłady: śviežaja sadavina, kansiervavanaja ci sušanaja sadavina, zialonaja sałata, lubaja aharodnina.
- Čamu? Sadavina i harodnina — bahataja krynica vitaminaŭ, minierałaŭ, klatčatki i antyaksidantaŭ.
Małočnyja pradukty i ich zamieńniki
- Kolki? Jak minimum adna porcyja.
- Prykłady: syr, johurty (abo biezmałočnyja alternatyvy, naprykład sojevyja johurty), małočnaja rysavaja kaša, małako abo jaho zamieńniki, takija, jak sojevaje, aŭsianaje ci kakosavaje małako.
- Čamu? U małočnych praduktach šmat kalcyju, jodu, vitaminaŭ A i V12 i białkoŭ.
Miasa, ryba, jajki, babovyja i inšyja biezmałočnyja krynicy białkoŭ
- Kolki? Jak minimum adna porcyja.
- Prykłady: kuracina, indyčyna, śvinina, cialacina, baranina, babovyja, ryba, sačyŭka, nut, baby, chumus abo sojevyja pradukty, naprykład, tofu.
- Čamu? Hetaja ježa bahataja na białki, žaleza i cynk. Žaleza — asabliva važny minierał, bo naša cieła nie moža jaho vyrablać, tamu my całkam zaležym ad jaho źniešniaha pastupleńnia.
Napoi
- Kali razmova idzie pra dziciačuju ssabojku, najlepšyja napoi — małako i vada, bo jany nie škodziać zubam.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary