Alaksandr Surykaŭ u čaćvier davaŭ pres-kanfierencyju. Farmalnaj pryčynaj źjaŭlaŭsia Dzień Rasii, jaki adznačajecca ŭ susiedniaj krainie 12 červienia. Tym nie mienš, dypłamat adkazaŭ i na aktualnyja pytańni biełaruska‑rasijskich uzajemadačynieńniaŭ.
Alaksandr Surykaŭ u čaćvier davaŭ pres-kanfierencyju. Farmalnaj pryčynaj źjaŭlaŭsia Dzień Rasii, jaki adznačajecca ŭ susiedniaj krainie 12 červienia. Tym nie mienš, dypłamat adkazaŭ i na aktualnyja pytańni biełaruska‑rasijskich uzajemadačynieńniaŭ.
«Kaniečnie, ja ŭžyvaju biełaruskaje małako, bo ja tut žyvu», — skazaŭ A.Surykaŭ, kamientujučy małočnyja vojny. Pasoł adznačyŭ, što ŭ pieršym kvartale pastaŭki biełaruskaj małočnaj pradukcyi ŭ Rasii pavialičylisia na 37%.
«Prosta ŭ Rasii ŭviedzienyja novyja techničnyja rehłamienty na małočnuju pradukcyju. I my pastarajemsia pieraadoleć hetuju kalizijny pieryjad.
Ja ŭžo ledź nie zachłynuŭsia ŭ hetym małace. Hałoŭnaje ž — abarona spažyŭcoŭ, kab nichto nie atruciŭsia», — ličyć pasoł.
Zajšła havorka i pra vydzialeńni Biełarusi apošniaj tranšy rasijskaha kredytu ŭ pamiery 500 miljonaŭ dalaraŭ. Dypłamat zapeŭniŭ, što nichto nie admaŭlaŭ u jaho pradstaŭleńni.
«Rasija razhladaje hetaje pytańnie. Ministr finansaŭ prapanavaŭ papracavać nad im jašče miesiac».Mahčyma, što hetyja hrošy buduć vydzielenyja z antykryzisnaha fondu JeŭrAzES.
Alaksandr Surykaŭ zajaviŭ pra nieabchodnaść jurydyčna zamacavać damovu ab pastaŭkach rasijskaha hazu ŭ Biełaruś pa siaredniehadavoj canie. Pavodle jahonych słovaŭ, naša kraina nie maje zapazyčanaści pa siaredniehadavoj canie, a voś pa kantraktnaj mahła i skłaścisia. Taksama jon nazvaŭ anachranizmam mytu na rasijskuju naftu pry farmiravańni mytnaha sajuzu.
Pasoł uvieś čas padkreślivaŭ, što nijakaj napružanaści ŭ biełaruska‑rasijskich stasunkach nie nazirajecca.
«Treba ŭmieć pierachodzić ad chistańniaŭ sardečnych rezkich da mienš rezkich. Spakojna vybudoŭvać svaje pavodziny»,— kaža pasoł.
Jon pryvioŭ prykład Nikala Sarkazi, kali jahonyja vykazvańni pra inšych kiraŭnikoŭ krain trapili ŭ ŚMI. «I što heta pryviało da raspadu Jeŭrasajuzu? U hetym i jość hałoŭnaja jakaść palityka».
«Ja b nie havaryŭ by pra źmienu źniešniepalityčnaha viektara Biełarusi. Nikudy my adzin ad adnaho nie addrejfujem, ni ŭ ekanamičnym, ni ŭ palityčnym płanie. Rasija dapamahała Biełarusi ŭ naładžvańni stasunkaŭ z Zachadam. Kraina nie moža znachodzicca ŭ izalacyi», — skazaŭ Alaksandr Alaksandravič.
Toj samy masažyst raskazaŭ, navošta zdymaŭ hołych klijentak2
Kamientary