Аляксандр Сурыкаў у чацвер даваў прэс-канферэнцыю. Фармальнай прычынай з’яўляўся Дзень Расіі, які адзначаецца ў суседняй краіне 12 чэрвеня. Тым не менш, дыпламат адказаў і на актуальныя пытанні беларуска‑расійскіх узаемадачыненняў.
Аляксандр Сурыкаў у чацвер даваў прэс-канферэнцыю. Фармальнай прычынай з’яўляўся Дзень Расіі, які адзначаецца ў суседняй краіне 12 чэрвеня. Тым не менш, дыпламат адказаў і на актуальныя пытанні беларуска‑расійскіх узаемадачыненняў.
«Канечне, я ўжываю беларускае малако, бо я тут жыву», — сказаў А.Сурыкаў, каментуючы малочныя войны. Пасол адзначыў, што ў першым квартале пастаўкі беларускай малочнай прадукцыі ў Расіі павялічыліся на 37%.
«Проста ў Расіі ўведзеныя новыя тэхнічныя рэгламенты на малочную прадукцыю. І мы пастараемся пераадолець гэтую калізійны перыяд.
Я ўжо ледзь не захлынуўся ў гэтым малацэ. Галоўнае ж — абарона спажыўцоў, каб ніхто не атруціўся», — лічыць пасол.
Зайшла гаворка і пра выдзяленні Беларусі апошняй траншы расійскага крэдыту ў памеры 500 мільёнаў даляраў. Дыпламат запэўніў, што ніхто не адмаўляў у яго прадстаўленні.
«Расія разглядае гэтае пытанне. Міністр фінансаў прапанаваў папрацаваць над ім яшчэ месяц».Магчыма, што гэтыя грошы будуць выдзеленыя з антыкрызіснага фонду ЕўрАзЭС.
Аляксандр Сурыкаў заявіў пра неабходнасць юрыдычна замацаваць дамову аб пастаўках расійскага газу ў Беларусь па сярэднегадавой цане. Паводле ягоных словаў, наша краіна не мае запазычанасці па сярэднегадавой цане, а вось па кантрактнай магла і скласціся. Таксама ён назваў анахранізмам мыту на расійскую нафту пры фарміраванні мытнага саюзу.
Пасол увесь час падкрэсліваў, што ніякай напружанасці ў беларуска‑расійскіх стасунках не назіраецца.
«Трэба ўмець пераходзіць ад хістанняў сардэчных рэзкіх да менш рэзкіх. Спакойна выбудоўваць свае паводзіны»,— кажа пасол.
Ён прывёў прыклад Нікаля Сарказі, калі ягоныя выказванні пра іншых кіраўнікоў краін трапілі ў СМІ. «І што гэта прывяло да распаду Еўрасаюзу? У гэтым і ёсць галоўная якасць палітыка».
«Я б не гаварыў бы пра змену знешнепалітычнага вектара Беларусі. Нікуды мы адзін ад аднаго не аддрэйфуем, ні ў эканамічным, ні ў палітычным плане. Расія дапамагала Беларусі ў наладжванні стасункаў з Захадам. Краіна не можа знаходзіцца ў ізаляцыі», — сказаў Аляксандр Аляксандравіч.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай12
Каментары