U Vieniesuele hipierinflacyja: novaja banknota miljon balivaraŭ — heta ŭsiaho paŭdalara
Vieniesueła ŭžo amal try hady znachodzicca ŭ ciažkim sacyjalna-ekanamičnym kryzisie, na fonie hipierinflacyi kraina zapuskaje ŭ abaračeńnie novyja banknoty naminałam 200 tysiač, 500 tysiač i 1 młn balivaraŭ, pieradaje dw.com.
«Novyja banknoty naminałam 200 tys. (0,11 dalara ZŠA), 500 tys. (0,27$) i 1 młn suvierennych balivaraŭ (0,53$) pačnuć pastupova ŭvodzicca ŭ abaračeńnie z 8 sakavika 2021 hoda», — havorycca ŭ paviedamleńni, apublikavanym na sajcie Centrabanka ŭ Karakasie ŭ piatnicu, 5 sakavika. U Centrabanku vykazali ŭpeŭnienaść u tym, što novyja kupiury zadavolać patreby nacyjanalnaj ekanomiki.
Vieniesueła ŭžo amal try hady znachodzicca ŭ stanie ciažkaha sacyjalna-ekanamičnaha kryzisu. Pa vynikach 2018 hoda inflacyja ŭ krainie skłała 1,7 młn pracentaŭ, a 2019 — bolš 9585 pracentaŭ. U jakaści adnoj ź mier umacavańnia ekanomiki ŭłady krainy ŭviali novuju valutu — suvierenny balivar, adnak i jaho kurs mocna ŭpaŭ: u ciapierašni čas 1 dalar ZŠA kaštuje bolš za 1,8 młn balivaraŭ.
U lutym 2020 hoda Bloomberg paviedamiŭ, što drukavać novyja banknoty dla Vieniesueły budzie rasijskaja kampanija «Hosznak», pryčym płanujecca vypuścić 300 młn novych banknot naminałam ad 10 tys. da 50 tys. suvierennych balivaraŭ. U samoj rasijskaj kampanii admovilisia kamientavać hetaje paviedamleńnie.
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary