Papić harbatu na Bahdanoviča ŭ Minsku kaštuje 1580 rubloŭ i 15 sutak, paviedamlajuć pravaabaroncy.
Uviečary 4 lutaha na Bahdanoviča, 55 susiedzi sabralisia na tradycyjnaje čajavańnie. U niejki momant z arki doma da ich vyjšli kala 15 čałaviek u ciomnaj vopratcy. Jany atačyli susiedziaŭ i paviedamili im, što pastupajuć skarhi na takija schody. Usich udzielnikaŭ čajavańnia adviali ŭ bus dla vyśviatleńnia ich asoby. U RUUS Centralnaha rajona advieźli 9 čałaviek, dzie na ich skłali pratakoły pa art. 23.34 KaAP, a na niekatorych i pa art. 23.4 KaAP. Siemiarych adpuścili da suda dadomu, a dvaich adpravili na Akreścina.
U CIP trapili Hanna Cuba i žurnalistka «Biełsata» Kaciaryna Tkačenka. U RUUS na ich dvaich skłali adrazu dva pratakoły, ale na Akreścina žurnalistcy stała drenna, i jaje źvieźli na chutkaj.
5 lutaha sudździa Dźmitryj Karsiuk pryznaŭ Hannu Cubu vinavataj u niepadparadkavańni i čajavańni, paličyŭšy heta masavym mierapryjemstvam. 26-hadovaja dziaŭčyna ŭžo adsiedzieła 15 sutak aryštu.
Siońnia sudzili žurnalistku Kaciarynu Tkačenka. Sudździa Karsiuk aštrafavaŭ Kaciarynu pavodle dvuch pratakołaŭ na 50 bazavych vieličyniaŭ (1450 rubloŭ).
Pa rašeńni sudździ Karsiuka Hanna Pałońnikava i Maryna Kašyna byli aštrafavanyja na 725 rubloŭ (25 bazavych), a Vijaleta Klujeva atrymała štraf 870 rubloŭ (30 bazavych).
Alaksandra Stryžanava i Irynu Broščan sudździa Viktryja Šabunia pakarała štrafam u 725 rubloŭ (25 bazavych).
Sudy nad jašče dvuma ŭdzielnikami čajavańnia čakajucca 9 sakavika.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty14
Kamientary