Čeračeń skazaŭ, što taksama nie pojdzie na «Usiebiełaruski schod»
Kiraŭnik partyi Biełaruskaja sacyjał-demakratyčnaja Hramada ŭ intervju «Narodnaj voli» patłumačyŭ svaju pazicyju nakont «Usiebiełaruskaha narodnaha schodu».
— Jak eks-kandydat u prezidenty, staršynia partyi, biznesmien i čałaviek, jaki adkazna stavicca da svaich słoŭ i ŭčynkaŭ, ja rabiŭ, rablu i budu rabić tolki toje, što sapraŭdy nieabchodna dla maich vybarščykaŭ i našaj krainy, — havoryć Siarhiej. — Dla tych, chto nie zrazumieŭ: maja partyja mahła b razhladać Usiebiełaruski narodny schod jak placoŭku dla abmienu dumkami i abmierkavańnia płana raźvićcia Biełarusi, ale ciapier heta niemahčyma.
Ja ŭpeŭnieny, što pryjdzie čas, kali abodva baki buduć vymušany damaŭlacca, ale heta vidavočna nie siońnia. Siońnia apazicyja i ŭłada vielmi dalokija adna ad adnoj i nie hatovyja vyrašać isnujučyja prablemy.
Ja zaŭsiody adkryty da dyjałohu i hatovy sumiesna znachodzić šlachi vyrašeńnia składanych situacyj. Usiebiełaruski narodny schod nie adlustroŭvaje intaresaŭ maich vybarščykaŭ i nie daje mahčymaści vyrašyć prablemu palityčnaha, ekanamičnaha i sacyjalnaha kryzisu. Ja budu nazirać za mierapryjemstvam, ale siarod udzielnikaŭ mianie nie budzie.
Raniej ad udziełu admovilisia Ihar Barysaŭ (BSDP) i Siarhiej Kalakin («Spraviadlivy śviet»).
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary