U Vialikabrytanii vosiem niejronnych sietak dresirujuć sabaku-robata
U Edynburhskim univiersitecie stvaryli sabaku-robata. Ciapier jon prachodzić dresiroŭku.
Aleks Li ŭznačalvaje łabaratoryju robatatechniki ŭ Edynburhskim univiersitecie i źjaŭlajecca adnym ź lidaraŭ u prymianieńni štučnaha intełektu da robataŭ, piša BBC.
Štučny intelekt, jaki kiruje sabakam, moža spravicca ź situacyjami, što byli nievyrašalnyja dla jaho raniej: leśvicy abo ślizkija pavierchni.
Aleks Li razam z kamandaj zajmajecca dresiroŭkaj rabatazavanaj sabaki pa mianušcy Cziu-In. Navukoviec paraŭnoŭvaje hety praces z navučańniem małych dziaciej hulać u futboł. Spačatku ich vučać asobnym elemientam: jak davać pas, vieści miač i zabivać jaho ŭ varoty. Jak tolki jany vučacca hetym asnovam, dzieci mohuć uziać udzieł u prostych matčach, dzie jany ŭžo pasprabujuć abjadnać hetyja navyki. Hety pastupovy praces navučańnia źjaŭlajecca naturalnym dla čałavieka, tamu daśledčyki sprabujuć prymianić jaho i dla mašyn.
Sabaku-robata spačatku vučyli dvum navykam: chadzić i ŭstavać paśla padzieńnia. Dla hetych dvuch navykaŭ byli raspracavanyja dźvie asobnyja niejronnyja sietki. Ich uziali za asnovu dla stvareńnia inšych — usiaho ŭ sabaki vosiem niejronnych sietak. Kali ŭjavić, što heta vosiem hulcoŭ u futboł, to dla ich patrebny trenier, jaki b moh abjadnać ich u adnu kamandu. Anałahična dla niejronnych sietak patrebny taki «trenier» — štučny intelekt, z dapamohaj jakoha sabaka moža sumiaščać asobnyja navyki i vykonvać bolš składanyja zadačy, naprykład ruchacca pa leśvicy ci pa kamianistaj pavierchni.
Rabota Aleksa Li zasnavanaja na daśledavańniach DeepMind Technologies — brytanskaj kampanii, jakaja zajmajecca raspracoŭkaj štučnaha intelektu (naležyć Google). Kampanija źjaŭlajecca lidaram u raspracoŭcy mietadu, z dapamohaj jakoha niejronnyja sietki vučacca na vopycie. Z dapamohaj hetaha mietadu DeepMind Technologies raspracavała štučny intelekt, jaki pieramoh najlepšych šachmatystaŭ śvietu.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20263
Kamientary