Навука і тэхналогіі

У Вялікабрытаніі восем нейронных сетак дрэсіруюць сабаку-робата

У Эдынбургскім універсітэце стварылі сабаку-робата. Цяпер ён праходзіць дрэсіроўку.

Фота BBC

Алекс Лі ўзначальвае лабараторыю робататэхнікі ў Эдынбургскім універсітэце і з’яўляецца адным з лідараў у прымяненні штучнага інтэлэкту да робатаў, піша BBC. 

Штучны інтэлект, які кіруе сабакам, можа справіцца з сітуацыямі, што былі невырашальныя для яго раней: лесвіцы або слізкія паверхні.

Алекс Лі разам з камандай займаецца дрэсіроўкай рабатазаванай сабакі па мянушцы Цзю-Ін. Навуковец параўноўвае гэты працэс з навучаннем малых дзяцей гуляць у футбол. Спачатку іх вучаць асобным элементам: як даваць пас, весці мяч і забіваць яго ў вароты. Як толькі яны вучацца гэтым асновам, дзеці могуць узяць удзел у простых матчах, дзе яны ўжо паспрабуюць аб’яднаць гэтыя навыкі. Гэты паступовы працэс навучання з’яўляецца натуральным для чалавека, таму даследчыкі спрабуюць прымяніць яго і для машын.

Сабаку-робата спачатку вучылі двум навыкам: хадзіць і ўставаць пасля падзення. Для гэтых двух навыкаў былі распрацаваныя дзве асобныя нейронныя сеткі. Іх узялі за аснову для стварэння іншых — усяго ў сабакі восем нейронных сетак. Калі ўявіць, што гэта восем гульцоў у футбол, то для іх патрэбны трэнер, які б мог аб’яднаць іх у адну каманду. Аналагічна для нейронных сетак патрэбны такі «трэнер» — штучны інтэлект, з дапамогай якога сабака можа сумяшчаць асобныя навыкі і выконваць больш складаныя задачы, напрыклад рухацца па лесвіцы ці па камяністай паверхні.

Работа Алекса Лі заснаваная на даследаваннях DeepMind Technologies — брытанскай кампаніі, якая займаецца распрацоўкай штучнага інтэлекту (належыць Google). Кампанія з’яўляецца лідарам у распрацоўцы метаду, з дапамогай якога нейронныя сеткі вучацца на вопыце. З дапамогай гэтага метаду DeepMind Technologies распрацавала штучны інтэлект, які перамог найлепшых шахматыстаў свету.

Каментары

Цяпер чытаюць

У Львове забілі экс-старшыню Вярхоўнай Рады і каменданта Майдана Андрэя Парубія3

У Львове забілі экс-старшыню Вярхоўнай Рады і каменданта Майдана Андрэя Парубія

Усе навіны →
Усе навіны

Лукашэнка ў нядзелю на чатыры дні паляціць у Кітай7

«Да першага паста ДАІ». На запраўцы ў Мінску заўважылі незвычайны аўтамабіль ВІДЭА2

«Экстрэмісцкім» стаў і ролік «Мы беларусы», які грымеў амаль 10 гадоў таму7

Экс-маладафронтавец Сяргей Пальчэўскі, які ваяваў і жыў ва Украіне: Каб атрымаць валанцёрскія боты, трэба было мець рахунак у банку3

У Беларусі адкрыюць Музей гандлю з «рарытэтна-настальгічнымі артэфактамі»2

Адміністратар беларускай Вікіпедыі Максім Лепушэнка выйшаў з СІЗА, атрымаўшы хатнюю хімію

Паліцыя Стамбула патлумачыла, чаму пакуль не шукае Котава3

У раёне «Мінск-Свет» кіроўца на каршэрынгу ўрэзаўся ў слуп, загінула пасажырка

Затрыманы старшыня Паралімпійскага камітэта Алег Шэпель1

больш чытаных навін
больш лайканых навін

У Львове забілі экс-старшыню Вярхоўнай Рады і каменданта Майдана Андрэя Парубія3

У Львове забілі экс-старшыню Вярхоўнай Рады і каменданта Майдана Андрэя Парубія

Галоўнае
Усе навіны →

Заўвага:

 

 

 

 

Закрыць Паведаміць