Cviatłana Cichanoŭskaja i pasoł ZŠA ŭskłali vianki da mahiły Kalinoŭskaha FOTA
Z nahody mižnarodnaha Dnia salidarnaści ź Biełaruśsiu ambasadarka ZŠA Džuli Fišer i Śviatłana Cichanoŭskaja ŭskłali vianki da miesca pachavańnia hieroja Biełarusi i Litvy Kastusia Kalinoŭskaha na mohiłkach Rosy ŭ Vilni.
Cichanoŭskaja padkreśliła, što treba viedać svaich hierojaŭ, histaryčnych i ciapierašnich. «Hety tydzień sapraŭdy možna nazvać tydniem hierojaŭ Biełarusi: 2 lutaha byŭ dzień narodzinaŭ Kalinoŭskaha, 4 lutaha — dzień narodzinaŭ Kaściuški. Adnak hałoŭnyja hieroi sučasnaj Biełarusi — heta tyja, chto siadzić u turmach za svaje pohlady. Tyja, chto vychodzić na vulicy. Tyja, chto achviaruje saboj kožny dzień za svabodu. Siońnia my ŭšanoŭvajem Kalinoŭskaha, i ŭ našych dumkach kožny, chto praciahvaje zmahacca za svabodnuju Biełaruś».
15 śniežnia Sienat Kanhresa zaćvierdziŭ kandydaturu Fišer na pasadu kiraŭnika dyppradstaŭnictva ŭ Miensku, heta pieršy ambasadar ZŠA ŭ Biełarusi za apošnija 12 hod.
U tym, što pasoł ZŠA sustrełasia sa Śviatłanaj Cichanoŭskaj raniej, čym z Alaksandram Łukašenkam, prahladajecca vyrazny dypłamatyčny žest.
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary