Rabotniki pravaachoŭnych orhanaŭ z ranicy pracujuć u biznes-centry «Delta» na Cimirazieva, 72. Ich cikavaść tyčycca pavierchaŭ, na jakich raźmieščany ofis kampanii «Hrynroźnica», jakaja pradstaŭlaje hipiermarkiety Green, piša Tut.by.
— Z samaj ranicy, z vaśmi hadzin, na trecim-čaćviortym pavierchach biznes-centra «Delta» stajać chłopcy maładyja — kantralujuć usio. Tut raźmieščany ofisy kampanii Green. Unizie — šeraja Hazel z taniravanym škłom, — paviedamiŭ čytač.
Sapraŭdy, ofis kampanii TAA «Hrynroźnica» znachodzicca ŭ hetym biznes-centry.
Pakul nieviadoma, chto mienavita ź siłavych orhanaŭ pracuje na miescy. Pryjechali — u cyvilnym. Pavodle infarmacyi supracoŭnikaŭ biznes-centra i adnaho sa svajakoŭ supracoŭnikaŭ kampanii, u ofisie — śpiecyjalisty Departamienta finansavych rasśledavańniaŭ.
— Supracoŭniki ofisa vychodziać pakuryć u supravadžeńni hetych chłopcaŭ, — kaža śviedka. — I viartajucca nazad.
Tut.by užo niekalki hadzin sprabuje źviazacca z supracoŭnikami kampanii «Hrynroźnica» — pakul biespaśpiachova: telefony ŭ asnoŭnym niedastupnyja. Niekalki čytačoŭ paviedamili, što ich rodnyja, jakija pracujuć u ofisie, nie vychodziać na suviaź.
U Departamiencie finansavych rasśledavańniaŭ admovilisia ad kamientaroŭ pa hetaj temie, udakładniŭšy, što nie mohuć ni paćvierdzić, ni abvierhnuć infarmacyju.
Kamientary