«Ja zhodny z acenkaj prezidenta»: što ŭ efiry ANT havaryŭ kaliści niezaležny ekśpiert Dzianis Mieljancoŭ
Hościem pieradačy «Ničoha asabistaha» kiraŭnika ANT Marata Markava staŭ palitołah Dzianis Mieljancoŭ.
Raniej Dzianis zajmaŭ niezaležnuju pazicyju, supracoŭničaŭ ź niedziaržaŭnym BISS, vykładaŭ u EHU. Potym Dzianis staŭ adnym z kaardynataraŭ «Minskaha dyjałoha». Ciapier Mieljancoŭ pastajanny hość dziaržaŭnych telekanałaŭ.
Ekśpierta zaprasili ŭ studyju, kab abmierkavać apošnija padziei ŭ ZŠA. Markaŭ usialak sprabavaŭ pravieści paraleli miž padziejami ŭ Vašynhtonie i Minsku. Maŭlaŭ, tam stralajuć na paražeńnie, nazyvajuć ludziej, što šturmujuć Kapitolij, «terarystami», a nie «palitviaźniami», i h. d. Mieljancoŭ u sprečki z Markavym nie ŭstupaŭ.
Što ž jon nahavaryŭ?
***
Možna i treba stavić pad pytańnie, jak kvalifikavać masavyja mitynhi i demanstracyi ŭ Biełarusi, pakolki jany nie adpaviadali zakanadaŭstvu ab masavych mierapryjemstvach. Ale zachopu administracyjnych budynkaŭ usio ž nie było, tamu heta zusim inšy artykuł, čym u ZŠA.
***
Naturalna, što ZŠA, jak hłabalny hulec, jaki robić staŭku na prasoŭvańnie demakratyi ŭ śviecie dla niejkich svaich metaŭ, buduć traktavać i vykarystoŭvać toje, što adbyvajecca ŭ Biełarusi, u svaich palityčnych metach. Kali Biełaruś heta «kryvavaja dyktatura», to, adpaviedna, kaho treba krytykavać? Urad. Kaho treba padtrymlivać? Demanstrantaŭ. Adpaviedna, traktujucca padziei ŭ dziaržavach, jakija ZŠA supraćdziejničajuć, — Rasii, Biełarusi.
***
Voźmiem «Paŭnočny patok» — vidavočna, što ZŠA chočuć pradavać svoj haz na jeŭrapiejskim kantyniencie, tamu im źviazka Bierlin — Maskva absalutna niepatrebnaja pa ekanamičnych i palityčnych pryčynach. Zaŭsiody i Vialikabrytanija, i ZŠA zaminali źviazcy Bierlin — Maskva, kali jaje dapuścić, to mianiajecca ŭsia hieapalityčnaja situacyja ŭ Jeŭropie. Tamu tut vykarystoŭvajucca i Navalny, i supraćdziejańnie «rasijskamu ŭpłyvu», nibyta pryhožyja rečy, za jakimi stajać ekanamičnyja intaresy.
***
U ZŠA norma adkryć ahoń na paražeńnie. U nas da minułaha hoda nikoli nie prymianialisia takija śpiecsrodki, jak vadamioty, śviatłošumavyja hranaty, humavyja kuli. U nas norma, što takija srodki nie prymianiajucca, u Štatach — zusim inšaja norma. Hetaja norma ŭ nas jość, ale hramadstva da hetaha nie zvykła.
***
Heta navat nie dla nas, a dla Rasii bolš aktualna, jak adviazacca ad ličbavaj zaležnaści. Chutčej za ŭsio, [jość] niejkija technałohii, mietady ŭździejańnia. Ja tut zhodny z acenkami našych prezidenta i dziaržsłužačych, što ŭ Rasii sproba takoha ŭpłyvu budzie. Heta niehatyŭna ŭpłyvaje na intaresy našaj krainy. Ale jak my možam na heta paŭpłyvać, kali internet vynajdzieny ŭ ZŠA, fejsbuk znachodzicca tam ža, biełarusy hetym masava karystajucca? Svaich anałahaŭ u nas niama.
***
Pahrozaj padčas usich našych padziej byŭ nazvany adzin kanał, ale dziaržava ź im ničoha nie zmahła zrabić, chacia jość cełyja słužby, jakija pad heta zatočany. Heta pytańnie efiektyŭnaści hetych słužbaŭ.
Dzianis Mieljancoŭ naradziŭsia ŭ 1980 hodzie ŭ Mahilovie, skončyŭ histfak miascovaha ŭniviersiteta, potym navučaŭsia ŭ EHU. Byŭ adnym ź lidaraŭ Maładoha frontu ŭ Mahilovie.
Kamientary