Haradzienku zatrymali za štany ź bieła-čyrvonymi łampasami, bo jany «parušajuć hramadski paradak»
Luboŭ Sarłaj — mama ŭ dekrecie. U niadzielu jana vyjšła prahulacca pa Hrodnie. Nadzieła ciopłyja štany ź bieła-čyrvonymi łampasami, uziała kavu, razhavaryłasia pa darozie z žančynaj. Jany ŭdźviuch išli ŭ bok Moładzievaha centra, kali zzadu padbieh AMAP i paprasiŭ prajści ŭ bus.
«U pratakole napisali, što ja ŭdzielničała ŭ pikiecie, kryčała «Žyvie Biełaruś». Ale milicyjant ad ruki jašče składaŭ tłumačalnuju — tam było pra koler štanoŭ, jaki parušaje hramadski paradak. Ja ździviłasia: što, takoje ciapier u dakumientach pišuć?» — raskazvaje žančyna.
Noč jana sa znajomaj praviała ŭ IČU. Sud pa skajpie adbyŭsia ŭ paniadziełak.
«Sudździa cikaviŭsia maim adzieńniem. Pytaŭsia, jakoha koleru na mnie była kurtka, jakoha koleru šarf. Na štanach — heta zavodski malunak. Ja kazała: možacie ŭziać i pahladzieć, što łampasy ja nie sama našyvała. Štany ŭ mianie z 2014 hoda, ja ŭ ich jašče ciažarnaja chadziła, raniej pytańniaŭ nie było. Jany jakraz dla chaładoŭ».
U Lubovi dvoje małych dziaciej — 2 i 6 hadoŭ, tamu sutki joj dać nielha. Sudździa Rusłan Huryn vypisaŭ štraf u 20 bazavych (580 rubloŭ). Toje ž prysudzili i žančynie, jakuju zatrymali razam ź Luboŭju. Štany nie kanfiskoŭvali.
Haradzienku, darečy, sudzili nie ŭ pieršy raz. Było pasiadžeńnie paśla zatrymańnia ŭ kastryčniku, a taksama praz fota ŭ instahram. Ale ŭ abodvuch vypadkach sud žančynu apraŭdaŭ.
Ciapier čytajuć
«Niejak da jaje padsadzili realnuju varjatku». Byłaja palitźniavolenaja raskazała pra Maryju Kaleśnikavu1
«Niejak da jaje padsadzili realnuju varjatku». Byłaja palitźniavolenaja raskazała pra Maryju Kaleśnikavu
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1313
Kamientary