Dekan homielskaha techničnaha ŭniviersiteta, jaki nie chacieŭ karać studentaŭ za akcyi i pazbaviŭsia pasady, syšoŭ z VNU
Eks-dekan Homielskaha dziaržaŭnaha techničnaha ŭniviersiteta imia Cuchoha Uładzimir Łukjanienka, jaki pazbaviŭsia pasady paśla taho, jak admoviŭsia vynosić dyscyplinarnyja spahnańni studentam, što ŭdzielničali ŭ akcyjach pratestu, ciapier zusim syšoŭ z VNU. Pra heta Tut.by paviedamili studenty ŭniviersiteta.
— Nie pracuje z 28 śniežnia. Dačakaŭsia siesii, nie chacieŭ nas kidać, a kali my zdali ŭsie ekzamieny, zvolniŭsia, — raspaviadajuć padrabiaznaści studenty.
Sam Uładzimir paćvierdziŭ hety fakt. Jon raspavioŭ, što syšoŭ nie prosta z univiersiteta, a ź sistemy adukacyi.
Kandydat fizika-matematyčnych navuk, dacent Uładzimir Łukjanienka u HDTU imia Suchoha prapracavaŭ amal 10 hadoŭ. Šeść ź ich byŭ namieśnikam dekana fakulteta aŭtamatyzavanych i infarmacyjnych sistem. Zatym staŭ dekanam, ale praź siem miesiacaŭ hetaj pasady pazbaviŭsia.
Jak raniej raspaviadaŭ Łukjanienka, administracyi ŭniviersiteta pryjšoŭ list ad uładaŭ z prośbaj pravieści prafiłaktyčnuju pracu sa studentami i vykładčykami, jakija raniej pryciahvalisia da administracyjnaj adkaznaści pavodle artykuła 23.34 KaAP. Da lista prykładałasia dva śpisy. Adzin — z proźviščami siami studentaŭ i mahistrantaŭ (čaćviora ź ich vučylisia na fakultecie Uładzimira Łukjanienki), druhi — z proźviščami supracoŭnikaŭ i vykładčykaŭ VNU.
Ź listom Łukjanienka aznajomili pad podpis, a vusna, raspaviadaŭ jon, paprasili vynieści studentam sa śpisu zaŭvahu abo vymovu. Uładzimir admoviŭsia. Praź niekalki dzion jon užo pisaŭ zajavu ab pieravodzie z pasady dekana ŭ dacenty kafiedry. A ŭ kancy śniežnia jašče adnu — ab zvalnieńni z univiersiteta.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary