Paraśmija, abo skažonaje ŭsprymańnie pachaŭ, moža ŭźnikać u pacyjentaŭ z COVID-19 z-za taho, što virus niejratopny, heta značyć zdolny ŭździejničać na niervovyja kletki. Pra heta ahienctvu PA zajaviŭ prezident Brytanskaj asacyjacyi otałarynhołahaŭ (ENT UK) prafiesar Nirmał Kumar, piša Sky News.
Pa słovach ekśpierta, virus uździejničaje na niervy ŭ vierchniaj častcy połaści nosa i parušaje ich pracu. «Heta jak šok dla vašaj niervovaj sistemy», — adznačyŭ jon.
Kumar — adzin ź pieršych śpiecyjalistaŭ, jakija ŭ sakaviku paviedamili pra taki simptom karanavirusa, jak strata niuchu (anaśmija). Hety simptom, pavodle Nacyjanalnaj statystyčnaj słužby Vialikabrytanii, źjaŭlajecca samym pašyranym. Ciapier ža mnohija stali skardzicca, što adčuvajuć nieisnujučyja pachi.
«Siońnia ranicaj ja pryniaŭ dvuch pacyjentaŭ z paraśmijaj», — raspavioŭ prezident ENT. Abodva jany — miedycynskija rabotniki. Pa słovach Kumara, adzin skardziŭsia, što ŭvieś čas adčuvaje pach ryby, a druhi — pach palenaha, choć pablizu niama krynic dymu. Ekśpiert adznačyŭ, što čaściej za ŭsio simptom sustrakajecca ŭ maładych ludziej, a taksama ŭ miedykaŭ z-za kantaktu z zaražanymi ŭ balnicach.
Śpiecyjalisty ličać, što paraśmija — adzin z krokaŭ da adnaŭleńnia niuchu, ale ŭ niekatorych pacyjentaŭ na heta mohuć syści hady.
Dabračynnaja arhanizacyja AbScent, jakaja padtrymlivaje ludziej z parušeńniami niuchu, rekamiendavała tym, chto pakutuje na paraśmiju, prajści svojeasablivuju treniroŭku — kožny dzień na praciahu 20 siekund udychać pach ružavaha aleju, cytryny, hvaździku i eŭkaliptu.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma11
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary