Pra heta jon zajaviŭ siońnia na naradzie pa ekanomicy, paviedamlaje BiełTA.
Łukašenka adznačyŭ, što možna pa-roznamu hladzieć na vyniki raboty ekanomiki ŭ hetym hodzie. Niedaciahnuła da ŭzroŭniu minułaha hoda pramysłovaść, źnizilisia inviestycyi, na 15% prasieŭ ekspart.
«Ale siońnia treba pahladzieć šyrej i razumieć, jakija nadzvyčajnyja vykliki stajać i čaho nam udałosia paźbiehnuć. Heta vielmi važna dla płanavańnia na budučyniu. Na dolu dziejučaha ŭrada vypaŭ adzin z samych składanych pieryjadaŭ za apošnija dziesiacihodździ.
Časam situacyja mianiałasia nie pa miesiacach i nie pa tydniach, a pa dniach», — zajaviŭ Alaksandr Łukašenka.
U toj ža čas jon źviarnuŭ uvahu, što klučavaja zadača dasiahnuta — zachavana finansavaja stabilnaść u bankaŭskaj śfiery, na valutnym rynku.
«Biez praterminovak raźličylisia pa ŭsich daŭhach. I heta ŭdałosia zabiaśpiečyć na fonie žorstkich biudžetnych ramak i hałoŭnaha šoku hoda — karanavirusa. I dla hetaha było zroblena ŭsio mahčymaje», — padkreśliŭ Łukašenka.
Taksama jon daručyŭ uradu i Nacbanku raspracavać miechanizm ahulnaha strymlivańnia cenaŭ — «pa ŭsich kirunkach i paramietrach».
«A to atrymlivajecca, što sialan my strymlivajem — u asnoŭnym ža heta pytańnie charčavańnia i adzieńnia, a ŭsim astatnim — volnica», — zajaviŭ jon.
Na jaho dumku, rost cen na niecharčovyja tavary «tak ci inakš upłyvaje na cenaŭtvareńnie ŭ toj ža sielskaj haspadarcy, na pradukty charčavańnia».
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty3
Kamientary