Hienieralny vikaryj Minska-Mahiloŭskaj archidyjacezii biskup Juryj Kasabucki prakamientavaŭ apošnija padziei vakoł adnosin biełaruskaj ułady z Kaściołam.
Padčas sustrečy Alaksandra Łukašenki ź Mitrapalitam Minskim i Zasłaŭskim Vienijaminam było skazana šmat słoŭ pra Katalicki Kaścioł.
Biskup adznačyŭ, što heta nie tolki i nie stolki słovy adnaho čałavieka, kolki słovy, padrychtavanyja i ŭkładzienyja ŭ jaho vusny peŭnymi «ideołahami» i «palittechnołahami».
«Katalicki Kaścioł siońnia vystupaje suprać nasilla, hvałtu, ździekaŭ i katavańnia ludziej, asablivym čynam molicca za palitviaźniaŭ, vystupaje suprać represij i pieraśledu, suprać parušeńnia pravoŭ čałavieka, prynižeńnia čałaviečaj hodnaści, suprać zvalnieńnia z pracy albo adličeńnia z navučalnaj ustanovy za pohlady, niazhodnyja z aficyjnaj ideałohijaj. Kaścioł zaklikaje da adzinstva, salidarnaści, padtrymki adno adnaho, da byćcia adnym narodam, nacyjaj. Kaścioł molicca za tych, chto daje i vykonvaje złačynnyja zahady suprać naroda… A ŭsio heta ŭ našaj krainie siońnia ličycca čymści drennym. Tamu treba było plunuć u Katalicki Kaścioł i ablić jaho brudam», — skazaŭ Juryj Kasabucki.
Na jaho dumku, «ideołahi» i «palittechnołahi» papracavali vielmi słaba, i im možna z naciažkaj pastavić słabieńkuju dva ź minusam pa dziesiacibalnaj sistemie.
«Moža, jany chacieli takim čynam dyskredytavać Alaksandra Łukašenku ŭ vačach hramadstva? Albo nie adpaviadajuć zajmanym pasadam?» — rytaryčna pytajecca biskup.
Jon taksama prakamientavaŭ uručeńnie hramat Apostalskim Nuncyjem.
«Kali kazać koratka, to ŭsio robicca zhodna z pratakołam dypłamatyi. Biełaruś i Vatykan majuć dypłamatyčnyja adnosiny. Jak i kožny pasoł krainy, Nuncyj uručaje hramaty tamu, chto ździajśniaje realnuju ŭładu ŭ krainie», — havorycca ŭ kamientary Juryja Kasabuckaha.
Ciapier čytajuć
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary