Biełaruskija pravaabaroncy pryznali zatrymanaha ŭ miežach spravy ab masavych biesparadkach (art. 293 KK RB) žychara «Płoščy pieramien» Ściapana Łatypava palityčnym źniavolenym.
15 vieraśnia 2020 h. u dvary pa vuł. Čarviakova ŭ Minsku supracoŭnikami AMAPa byŭ zatrymany miascovy žychar Ściapan Łatypaŭ.
Jahonaje zatrymańnie stała vynikam šmatdzionnaha supraćstajańnia žycharoŭ hetaha dvara z pradstaŭnikami MUS u suviazi sa sprobami apošnich zamalavać namalavanuju na ścianie vyjavu (murał) «dydžejaŭ pieramien», jakuju zrabili žychary hetaha dvara.
15 vieraśnia ŭ dvor u čarhovy raz pryjechali supracoŭniki milicyi. Niekalki žycharoŭ dvara zaharadzili saboj malunak i nie dazvalali jaho zamaloŭvać. Kali Ściapan Łatypaŭ paprasiŭ supracoŭnikaŭ pradstavicca i pakazać svaje słužbovyja paśviedčańni, jon byŭ adrazu zatrymany, a ŭ kvatery, u jakoj jon pražyvaje, praviali pieratrus. Paźniej źjaviłasia infarmacyja ab tym, što Łatypaŭ zatrymany ŭ jakaści padazravanaha pa kryminalnaj spravie pa art. 293 KK (Masavyja biesparadki).
19 vieraśnia ŭ efiry niekalkich dziaržaŭnych telekanałaŭ byŭ prademanstravany siužet, pryśviečany zatrymańniu Łatypava. U dadzienych siužetach śćviardžałasia, što Łatypaŭ padazrajecca ŭ arhanizacyi niezakonnaha kanału pastaŭki ŭ krainu niebiaśpiečnych chimikataŭ i mieŭ namier vykarystać atrutnyja rečyva suprać supracoŭnikaŭ milicyi.
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu14
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary