Kudy padzielisia lidary partyjnaj apazicyi?
Druhi miesiac u Biełarusi praciahvajucca akcyi pratestu paśla prezidenckich vybaraŭ. Na štoniadzielnyja akcyi pratestu prychodziać sotni tysiač čałaviek. Na takich mierapryjemstvach nie zaŭsiody chapaje lidaraŭ, jakija zdolnyja vieści ludziej. Što ŭ hety čas robiać lidary partyjnaj apazicyi? Ci ŭdzielničajuć jany ŭ akcyjach pratestu i čamu pra ich tak mała čuvać?
Ryhor Kastusioŭ, Partyja BNF
«Nu čamu nie čuvać? Ja niadaŭna intervju «Jeŭraradyjo» davaŭ, vy, napeŭna, prapuścili. A jašče była zajava 10 partyj, u tym liku praŭładnych, Partyja BNF taksama tam udzielničała. Jak kaža Nina Bahinskaja, ja taksama hulaju, ale nie zaŭsiody ŭžo siłaŭ chapaje. Byŭ 9, 23, 30 žniŭnia. Na apošniaj nie byŭ. Ščyra skažu, pakul dajdu da steły, to ŭžo nohi stoptvajucca, z maładymi ja tut nie mahu ciahacca. Nam było važna, kab akcyi byli paznačanyja bieł-čyrvona-biełymi ściahami i Pahoniami, i my bačym mora našych simvałaŭ — heta ŭžo pieramoha».
Vital Rymašeŭski, BCHD
«BCHD całkam padtrymała kampaniju Cichanoŭskaj. My taksama padtrymali Kaardynacyjnuju radu, sustaršynia BCHD Volha Kavalkova źjaŭlajecca siabram prezidyuma Kaardynacyjnaj rady. Zaraz nie čas dla samapijaru, tamu my dziejničajem u rečyščy Kaardynacyjnaj rady. Vialikija pytańni ŭ nas vyklikała supolnaja zajava palityčnych partyj, kudy zaprasili i fejkavyja struktury. Ciapier samaje važnaje — heta adnaŭleńnie zakonnaści ŭ krainie. Asabista ja biaru ŭdzieł u hrupie padtrymki rehijonaŭ u Kaardynacyjnaj radzie. Pracy chapaje, ludziam patrebna šmat dapamohi. Na akcyi chadžu. Na jakija — nie skažu, a to heta jašče stanie nahodaj dla administracyjnaj spravy suprać mianie».
Mikałaj Kazłoŭ, AHP
«Kaniečnie, udzielničaju. 13 vieraśnia taksama prajšoŭ ad pačatku da kanca. Ale ŭdzielničaju ja jak zvyčajny hramadzianin, a nie lidar partyi. Ciapier taki čas, što partyjnyja ściahi treba pakinuć u ofisach. U nas adna zadača — sychod Łukašenki. Što tyčycca zajavy partyj, to liču heta niakiepskim. Kali b «Biełaja Ruś» i BRSM zajavili, što vybary prajšli niesumlenna, my b hetamu radavalisia. Tak i tut treba radavacca, što praŭładnyja partyi stanoviacca na naš bok».
***
Lidar ruchu «Za svabodu» Juraś Hubarevič i staršynia BSDP «Hramada» Ihar Barysaŭ pastajanna ŭdzielničajuć u akcyjach pratestu.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary