«U jaho abvostranaje pačućcio spraviadlivaści»: kapitana milicyi z Navapołacka zatrymali, jak tolki jon napisaŭ rapart
Kapitana milicyi z Navapołacka Jahora Jemialjanava zatrymali paśla taho, jak jon vykłaŭ u sacsietki fota paśviedčańnia i pahonaŭ z podpisam: «17 hadoŭ słužby skončany. Majo sumleńnie čystaje. Milicyja z narodam».
Infarmacyju pra zatrymańnie Našaj Nivie paćvierdziła žonka Jahora Jemialjanava Maryna.
«Jamu patelefanavali z pracy. Skazali, što treba padyści padpisać dakumienty, akt pryjomu-pieradačy formiennaj vopratki. Apieratyŭna zakryć pytańnie. My ź im byli na suviazi, płanavali ŭ hety dzień siamiejnuju viačeru. U 17:55 ja jamu telefanavała, jon jašče byŭ u adździele, afarmlaŭ dakumienty. U 19:55 ja patelefanavała znoŭ, chacieła damovicca, chto zabiare našu małodšuju dačku, joj try hady. Jon paviedamiŭ, što zatrymany. Za što? Skazaŭ, što pakul nie viedaje», — raspaviadaje Maryna.
Pa tych papiarednich dadzienych, jakimi vałodaje Maryna, muž prachodzić pa artykule 23.34 — parušeńnie paradku arhanizacyi abo praviadzieńnia masavych mierapryjemstvaŭ. U HUUS padrabiaznaściaŭ nie paviedamlajuć.
«Jon čałaviek z abvostranym pačućciom spraviadlivaści. Niepryjemnaja situacyja ŭ krainie, jon nie chacieŭ udzielničać. Kali źjaviłasia ryzyka ŭviadzieńnia nadzvyčajnaha stanovišča, my pahavaryli i vyrašyli, što pryjšoŭ čas zvalniacca. Jon adrazu ž pajechaŭ», — adznačaje Maryna.
Sudovaje pasiadžeńnie zapłanavana na siońnia 13 žniŭnia.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ1
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary