Ad letniaj śpioki da amal maroznych načej. Na nastupnym tydni čakajucca rezkija pierapady nadvorja
Sinoptyk Dźmitryj Rabaŭ u efiry telekanała ANT paviedamiŭ, što ŭ Biełarusi na tydni z 4 da 10 maja nadvorje budzie vielmi źmienlivym: ad amal letniaj śpioki da rezkaha pachaładańnia.
U pačatku tydnia ŭ krainu pryjdzie antycykłon z Zachodniaj Jeŭropy, jaki pryniasie ciopłaje pavietra.
U paniadziełak, 4 maja, apadkaŭ amal nie čakajecca. Unačy tempieratura składzie ad +6 da +13 hradusaŭ, a ŭdzień paciapleje ad +22 na ŭschodzie da +27 na zachadzie krainy.
U aŭtorak, 5 maja, z zachadu pačnie pastupać bolš vilhotnaje pavietra. U paŭnočna-zachodnich rajonach mahčymyja karotkačasovyja daždžy i navalnicy. Unačy budzie ad +6 da +12, a ŭdzień zachavajecca ciopłaje nadvorje — ad +20 da +26 hradusaŭ.
U sieradu, 6 maja, miescami mahčymyja łakalnyja daždžy. Ranicaj i ŭnačy mahčymy tuman. Tempieratura ŭnačy ad +7 da +12, udzień — ad +17 na paŭnočnym zachadzie da +26 na paŭdniovym zachadzie.
Z čaćviarha, 7 maja, nadvorje pačnie paharšacca. Da Biełarusi padydzie aktyŭny cykłon z paŭdniovaha zachadu. Pachaładaje, uzmocnicca zachodni viecier, amal pa ŭsioj krainie projduć daždžy. Unačy budzie ad +6 da +11, a ŭdzień tempieratura budzie vielmi roznaj: ad +10 na zachadzie da +25 na paŭdniovym uschodzie.
U piatnicu, 8 maja, čakajecca chaładnavaty i vilhotny cykłon z Bałtyjskaha mora. Amal pa ŭsioj krainie projduć karotkačasovyja, miescami mocnyja daždžy. Viecier budzie paryvisty. Unačy tempieratura składzie ad +6 na zachadzie da +12 na ŭschodzie, a ŭdzień tolki ad +7 da +13 hradusaŭ.
Na vychadnych znoŭ stanie krychu ciaplej.
U subotu, 9 maja, budzie pieramiennaja vobłačnaść, miescami karotkija daždžy. Unačy ad +3 da +8, udzień ad +10 na paŭnočnym uschodzie da +15 na poŭdni.
U niadzielu, 10 maja, taksama mahčymyja łakalnyja daždžy. Unačy čakajucca tumany, bačnaść moža źnizicca da 500 mietraŭ. Tempieratura ŭnačy panizicca da 0…+6, a ŭdzień budzie ad +13 da +17 hradusaŭ.
Takim čynam, za adzin tydzień u Biełarusi nadvorje moža mianiacca ad śpioki da +27 hradusaŭ da načnoha choładu kala nula.
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy24
Kamientary