U minskaj Sierabrancy siłaviki napali na žurnalistaŭ «Kamsamolskaj praŭdy»
Unačy 12 žniŭnia ŭ minskim mikrarajonie Sierabranka pradstaŭniki siłavych struktur ŭžyli siłu da supracoŭnikaŭ biełaruskaj «Kamsamołki». Žurnalista Hienadzia Mažejku ŭdaryli dubinkaj pa nahach i rukach, a kiroŭcu «KP» niekalki razoŭ udaryli dubinkaj pa nahach, paviedamlaje Biełaruskaja asacyjacyja žurnalistaŭ u svaim telehram-kanale.
— My pryjechali ŭ Sierabranku, kab aśviatlić pratesty, jakija tam adbyvalisia. Kali ŭbačyli bajcoŭ u kaskach i z zakrytymi tvarami, adyšli da parkoŭki na skryžavańni Rakasoŭskaha i vulicy Plachanava. Sieli ŭ mašynu. Siłaviki chadzili pa stajancy i hladzieli, ci jość u mašynach ludzi, — raspaviadaje žurnalist Hienadź Mažejka, jaki byŭ u kamizelcy z nadpisam «Presa» i z bejdžami na hrudziach. — Padbiehli da nas kala dziesiaci supracoŭnikaŭ, atačyli mašynu i zahadali vyjści. My pradstavilisia, skazali, što presa. Ja dastaŭ paśviedčańnie žurnalista «KP», pieradaŭ supracoŭniku, u adkaz pačuŭ maciuki, pajšli ŭdary dubinkaj pa ruce i nazie, udaryli rukoj pa tvary.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES28
Kamientary