«Vas diełajut ubijcami!»: 250 žančyn u biełym z kvietkami sabralisia ŭ Minsku na Kamaroŭcy VIDEA
250 biełaruskich žančyn vyjšli ŭ biełym z kvietkami da Kamaroŭki, kab vykazać pratest hvałtoŭnym dziejańniam i salidarnaść z paciarpiełymi mirnymi demanstrantami.
«Pierastańcie nas bić! My chočam prosta pravilny padlik hałasoŭ!» - kažuć udzielnicy akcyi.
«My pryjšli z adkrytymi rukami, biez zbroi. Hetaksama jak i inšyja mirnyja pratestoŭcy. Hvałt idzie tolki z adnaho boku».
Łancuh praciahnuŭsia ŭzdoŭž Kamaroŭki i Doma mebli.
Milicyja prosić dziaŭčat razyścisia.
Jany pakłali kvietki ŭzdoŭž darohi i razychodziacca, pakłaŭšy ruki za hałavu
Milicyjantam kryčać: «Spynicie hvałt! Vas robiać zabojcami! Milicyja — zabojcy!»
Dziaŭčaty vyrašyli nie razychodzicca, praciahvajuć stajać uzdoŭž darohi
Da dziaŭčat na Kamaroŭcy padjechaŭ sini busik AMAPa. Pažyłaja žančyna padyšła da jaho i źviartajecca da amapaŭcaŭ: «Što ž vy robicie? Heta ž vašy siostry i braty! Chto vašy baćki?». Pakul što amapaŭcy nie vychodzili z busa. Zaraz bolšaja častka ŭdzielnic razyšłasia.
Kamientary