Vieranika Capkała: Valeryj hałasavaŭ za Łukašenku «tolki pieršyja hady»
Vieranica Capkała, žonka pretendenta na pasadu prezidenta Valeryja Capkały, raskazała ŭ prajekcie «Tok», za kaho jaho siamja hałasavała na prezidenckich vybarach.
— Za kaho vy hałasavali va ŭsie papiarednija vybarčyja kampanii?
— U svaje pieršyja vybary ja hałasavała za Łukašenku. Tamu što mnie jon tady zdavaŭsia refarmataram. Pa-pieršaje, jon sapraŭdy vyjšaŭ z naroda, jon byŭ taki ž, jak vy, jak ja. Jon viedaŭ žyćcio, sustrakaŭsia z tymi prablemami, jak i my.
Plus u nas byŭ vysoki ŭzrovień złačynnaści ŭ krainie. Byli pytańni, jakija patrabavali terminovaha ŭmiašalnictva. I na toj čas jon šmat zrabiŭ dobraha dla krainy. Reformy, jakija jon pravodziŭ u tyja hady, na moj pohlad, byli efiektyŭnymi.
Ale praz 26 hadoŭ, kali ty nie žyvieš zvyčajnym žyćciom hramadzianina, nie sutykaješsia štodzionna z prablemami, ty ŭžo nie možaš aceńvać, jakija ž realnyja prablemy ŭ krainie.
— Vy na ŭsich vybarach hałasavali za Łukašenku?
— Nie-nie, byli i inšyja kandydaty.
— A chto?
— Chaj heta zastaniecca pry mnie. Usio ž heta tajamnica hałasavańnia.
— A za kaho Valeryj hałasavaŭ?
— Pieršyja hady taksama hałasavaŭ [za Łukašenku].
— A paśla ŭžo nie?
— Paśla ŭžo nie.
***
Valeryj Capkała byŭ pieršym namieśnikam ministra zamiežnych spraŭ (1994-1997), pasłom u ZŠA (1997-2002), pamočnikam prezidenta (z 2002), dyrektaram Parka vysokich technałohij (2005-2017).
Brat biełaruskaj karalevy pryhažości trapiŭ u reanimacyju ŭ Azierbajdžanie3
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary