Žychary Vilejki kažuć, što niekatorych biudžetnikaŭ prosiać hałasavać daterminova. Ułady heta admaŭlajuć
Žychary Vilejki paviedamlajuć, što ŭ ich horadzie supracoŭnikaŭ niekatorych biudžetnych arhanizacyj prosiać prahałasavać na vybarach daterminova. Ułady horada heta admaŭlajuć, a ŭ miascovaj vybarčaj kamisii kažuć, što z takimi skarhami nichto jašče nie źviartaŭsia.
Čytačy Tut.by paviedamlajuć, što ŭ horadzie Vilejka supracoŭnikaŭ niekatorych biudžetnych arhanizacyj prosiać prahałasavać na vybarach daterminova, i lepš za ŭsio heta zrabić čamuści siońnia, 6 žniŭnia. Pryčym ludziej nibyta navat adpuskajuć z pracy.
— Prosiać prahałasavać daterminova, idealna — siońnia, pradastaŭlajuć mašynu i adviazuć u pracoŭny čas na ŭčastak, jaki nazavieš, — kaža supracoŭnik aŭtaparka № 5 u Vilejcy.
Datelefanavacca da kiraŭnictva aŭtaparka Tut.by nie ŭdałosia. U rajonnaj vybarčaj kamisii skazali, što sa skarhami nakont taho, što na miascovych pradpryjemstvach prosiać prahałasavać daterminova, da ich nie źviartalisia.
Adzin z čytačoŭ Tut.by napisaŭ u redakcyju pra toje, što prahałasavać daterminova niekatoryja biudžetnyja arhanizacyi horada prasili na schodzie ŭ rajonnym vykankamie. Adnak u samim Vilejskim rajonnym vykanaŭčym kamitecie hetuju infarmacyju abviarhajuć.
Kamientary