Ecoom, jaki źjaviŭsia pad refierendum 2004 hoda, «sprahnazavaŭ pieramohu» Łukašenki
Analityčny centr Ecoom śćviardžaje, što pa zamovie ZAT «Druhi nacyjanalny telekanał» pravioŭ sacyjałahičnaje daśledavańnie ab elektaralnych nastrojach i pieravahach hramadzian.
Pavodle Ecoom, dziejnaha kiraŭnika dziaržavy, śćviardžaje Ecoom, hatovyja padtrymać na vybarach 72,3% biełarusaŭ (było 69,4%). Rejtynhi astatnich sumarna nie pieravyšajuć 10%. Rejtynh Śviatłany Cichanoŭskaj, pavodle źviestak apytańnia, vyras z 2,2% da 7,5%, Hanny Kanapackaj na 0,1%.
U apytańni pakazany i ŭzrovień davieru dziejnamu prezidentu — 78,1% (pakazčyk nie źmianiŭsia).
«Sacyjałahičnyja zamiery pakazvajuć stabilnaść rejtynhu kiraŭnika dziaržavy, vysokuju cikavaść hramadstva da vybarčaj kampanii, hatoŭnaść pryniać u joj aktyŭny ŭdzieł i dazvalajuć z vysokaj stupieńniu dakładnaści prahnazavać pieramohu dziejnaha prezidenta ŭ pieršym tury», — robiać vysnovu na ANT.
Analityčny centr Ecoom uznačalvaje člen hramadska-kansultatyŭnaha savieta pry Ministerstvie adukacyi, člen praŭleńnia prałukašenkaŭskaha Sajuza piśmieńnikaŭ Biełarusi Siarhiej Musijenka. Upieršyniu Ecoom prajaviŭsia pierad refierendumam 2004 hoda ab źniaćci abmiežavańniaŭ na kolkaść prezidenckich terminaŭ.
ANT — łukašenkaŭski telekanał. Uvohule. praviadzieńnie sacapytańniaŭ u krainie licenzujecca, licenzii vydajucca strukturami ŭłady.
Apytanka
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1010
Kamientary