Na minskim Kamaroŭskim rynku abmiarkoŭvajuć ceny na hryby, i adno videa ŭ tyktoku vyklikała sapraŭdny vybuch dyskusij. Aŭtar rolika pakazaŭ, što pradaŭcy prosiać za adzin baravik (nie za kiłahram, a za adzin nievialiki hryb) 8—9 rubloŭ, piša Telegraf.news.
Mienš čym za sutki videa pahladzieli kala 330 tysiač karystalnikaŭ. Kamientatary padzialilisia na dva łahiery: adny aburajucca takoj canoj i paraŭnoŭvajuć jaje z koštam čyrvonaj ryby, miasa ci šampińjonaŭ z kramy; druhija ž ličać košt całkam abhruntavanym, bo źbirać baraviki vielmi składana — treba viedać miescy i łavić «chvalu», kali nadvorje spryjaje ich rostu.
Košt baravikoŭ zaŭsiody byŭ vysoki ŭ paraŭnańni ź inšymi hrybami, navat u razhar siezona. Naprykład, na rynku nievialiki pakunačak kaštuje kala 35 rubloŭ, a ŭ pryvatnych abjavach cana za kiłahram moža dasiahać i 50 rubloŭ. Pa sutnaści, baraviki kaštujuć jak darahoje miasa.
Cieny na hriby na našiej lubimoj Komarovkie! Skolko stoit 1 borovik - uznajem! riad 4, miesto 1
Karystalniki tyktoku žartavali i spračalisia:
- «Kiłahram šampińjonaŭ možna kupić, a to adzin baravik — 9 rubloŭ, naohuł z hłuzdu ŭžo źjechali»;
- «Lepš, mabyć, čyrvonaj rybaj budu charčavacca»;
- «Za 9 rubloŭ u mianie budzie kiłahramam śvininy pachnuć u supie».
Adnak byli i inšyja hałasy:
- «Ludzi, chto vas prymušaje ich kuplać? Čaho vy tak aburajeciesia? Kali pradajuć, značyć jość tyja, chto kuplaje. Inšamu praściej u les schadzić abo šampińjonaŭ kupić»;
- «U lesie biaspłatna. Jakija mohuć być pretenzii? Nie chočacie — nie biarycie, nichto nie prymušaje, kali ludzi ceniać svaju pracu, honar im i chvała»;
-
«Nichto ž nie prymušaje kuplać. Nie padabajecca — idzicie ŭ les ci kupicie šampińjony»;
-
«Heta praca, i kali jość ludzi, jakija hatovyja płacić, to čamu b i nie? U lesie ž biaspłatna».
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary