Tramp: Dla ZŠA budzie vialikaj abrazaj, kali ja nie atrymaju Nobieleŭskuju premiju
Prezident ZŠA ličyć, što mienavita jon zasłuhoŭvaje Nobiela za ŭrehulavańnie kanfliktaŭ u śviecie.
Donald Tramp zajaviŭ, što dla ZŠA budzie vialikaj abrazaj, kali jon nie atrymaje Nobieleŭskuju premiju miru za svaju dypłamatyčnuju dziejnaść. Pra heta amierykanski prezident skazaŭ padčas vystupu ŭ Kvantyka, štat Virdžynija, pierad hrupaj vysokapastaŭlenych vajskoŭcaŭ, piša The Hill.
«Ja dapamoh pakłaści kaniec siami kanfliktam, i kali płan adnosna Hazy spracuje, heta budzie ŭžo vosiem. Vosiem za vosiem miesiacaŭ — nichto takoha nie rabiŭ», — padkreśliŭ Tramp.
Jon taksama vykazaŭ skiepsis adnosna pracy Nobieleŭskaha kamiteta: «Ci atrymaješ ty Nobieleŭskuju premiju? Absalutna nie. Jany daduć jaje niejkamu chłopcu, jaki ničoha nie zrabiŭ. Moža, piśmieńniku, jaki napisaŭ knihu pra Donalda Trampa».
Nobieleŭski tydzień startuje ŭžo na nastupnym tydni. U paniadziełak buduć nazvanyja nobieleŭskija łaŭreaty ŭ halinie miedycyny i psichałohii.
U čaćvier, 9 kastryčnika, nazavuć nobieleŭskaha łaŭreata pa litaratury, a 10 kastryčnika — premii miru.
U minułym nobieleŭskaja premija miru była ŭručana Japonskaj kanfiederacyi arhanizacyj achviar atamnych i vadarodnych bambardzirovak.
-
Pieramovy Kijeŭ — Maskva — Vašynhton projduć u pačatku listapada
-
Pamior biznesmien Łučanski, jakoha časopis Time u 1990‑ch nazvaŭ «samym niebiaśpiečnym niazłoŭlenym złačyncam u śviecie»
-
«Nu što, pindos, navajavaŭsia? Zaraz my tabie pakažam». Jak ździekvalisia ŭ rasijskim pałonie z amierykanca Chabarda, jakoha vypuściŭ Pucin
Ciapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary
Šantyžyst, a my z taboju nie para )