Rasija paśla radykalizacyi rytoryki Trampa na 40% uzmacniła ataki na ŭkrainskija harady
Paśla niaŭdałaj sustrečy Donalda Trampa i Uładzimira Pucina na Alascy amierykanski prezident pačaŭ usio čaściej adkryta krytykavać rasijskaha lidara. Jon navat dapuściŭ mahčymaść pieramohi Ukrainy i viartańnia joj usich akupavanych terytoryj. U adkaz Pucin značna ŭzmacniŭ pavietranyja ataki.
Pa padlikach ABC News na padstavie ŭkrainskich źviestak, u vieraśni Rasija zapuściła pa Ukrainie na 38% bolš bieśpiłotnikaŭ-kamikadze i rakiet, čym u žniŭni — usiaho 5636 dronaŭ i 187 rakiet. Heta značyć, bieśpiłotnikaŭ stała na 39% bolš, a rakiet — amal na 20%. Asabliva mahutnym byŭ nalot u noč z 6 na 7 vieraśnia: 810 bieśpiłotnikaŭ i 13 rakiet nakryli harady ŭ šaści rehijonach i ŭ Kijevie. Zahinuła piać čałaviek, 41 byŭ paranieny.
U žniŭni, napiaredadni sustrečy prezidentaŭ u Ankorydžy, naadvarot, nazirałasia adnosnaje zacišša. Rekordnym zastajecca lipień, kali, pavodle danych Vajskovych pavietranych sił Ukrainy, Rasija vypuściła 6443 bajavyja aparaty.
Analityki Instytuta vyvučeńnia vajny (ISW) padkreślivajuć: Rasija rehularna ŭzmacniaje avijaŭdary ŭ momanty, kali Zachad abmiarkoŭvaje novuju dapamohu Ukrainie ci mahčymyja pieramovy ab pieramirji. Takija dziejańni majuć jašče i prapahandysckuju metu — adciahnuć uvahu ad niaŭdač na froncie, naprykład, pravału rasijskaha nastupu pad Pakroŭskam u žniŭni.
«Ja ŭmieju zabivać. Tut mianie za heta nie asudziać». Va USU taksama słužać źniavolenyja, jakija pramianiali turmu na pole boju
U vyniku ŭdaru bieśpiłotnikaŭ pa Dniapry paciarpieli 28 čałaviek
Piaskoŭ prakamientavaŭ zajavy pra mahčymuju pastaŭku «Tamahaŭkaŭ» Ukrainie
U Kijevie žančyna nie vytrymała stresu padčas rakietnaj ataki i pamierła ŭ schoviščy
Kamientary