Zialenski prysvoiŭ paśmiarotna zvańnie Hieroja Ukrainy zabitamu ŭ Lvovie Andreju Parubiju
Taksama zvańni Hieroja Ukrainy paśmiarotna atrymali jašče try čałavieki.
«Mienavita ŭ Dzień abaroncaŭ, na Pakroŭ, pašyrajem jašče adnu našu tradycyju pavahi i ŭdziačnaści.
Za čas ad pačatku paŭnamaštabnaj vajny najvyšejšaje zvańnie Hieroj Ukrainy nadavałasia tolki voinam — ukraincam, jakija prajavili siabie nadzvyčajna ŭ bajavych umovach, u abaronie našaj dziaržavy, našych pazicyj, našych ludziej. 722 mienavita takija voiny ŭžo stali Hierojami Ukrainy, i ź ich 445 — paśmiarotna. Siońnia ja padpisaŭ ukazy ab prysvajeńni zvańnia Hieroj Ukrainy jašče čatyrom ukraincam, na žal, paśmiarotna», — napisaŭ Uładźmir Zialenski ŭ svaim telehram-kanale.
Zvańni prysvojenyja Andreju Parubiju, krymčaninu, byłomu viaźniu Kramla Hienadziu Afanaśjevu, zakatavanamu bajevikami DNR Ściapanu Čubienku i piśmieńniku Uładzimiru Vakulenku, jaki zahinuŭ na Charkaŭščynie.
Były śpikier Viarchoŭnaj Rady, dziejny narodny deputat ad palityčnaj siły «Jeŭrapiejskaja salidarnaść» Andrej Parubij byŭ zabity ŭ Lvovie 30 žniŭnia.
U jaho stralaŭ 52‑hadovy mužčyna, apranuty jak kurjer dastaŭki. Ad vaśmi ahniastrelnych ranieńniaŭ palityk zahinuŭ na miescy.
Na nastupny dzień zabojca byŭ zatrymany. «Ja pryznaju, ja jaho zabiŭ. I chaču prasić, kab mianie abmianiali na vajennapałonnych, kab ja moh pajechać i znajści cieła svajho syna», — zajaviŭ padazravany.
Jon zajaviŭ, što heta była «jahonaja pomsta ŭkrainskaj uładzie». A na pytańnie, čamu mienavita achviaraj staŭ Parubij, jon adkazaŭ, što palityk «byŭ pobač», a na jaho miescy moh być i eks-prezident Ukrainy Piatro Parašenka.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary
Sapraŭdnyja addanyja Ŭkrainie palityki, pa-mojmu, znachodziacca mienavita ŭ partyi "ES", tamu zabojca, dumaju, i dziejničaŭ u hetym nakirunku, kab bolej dahadzić maskalu.