Зяленскі прысвоіў пасмяротна званне Героя Украіны забітаму ў Львове Андрэю Парубію
Таксама званні Героя Украіны пасмяротна атрымалі яшчэ тры чалавекі.
«Менавіта ў Дзень абаронцаў, на Пакроў, пашыраем яшчэ адну нашу традыцыю павагі і ўдзячнасці.
За час ад пачатку паўнамаштабнай вайны найвышэйшае званне Герой Украіны надавалася толькі воінам — украінцам, якія праявілі сябе надзвычайна ў баявых умовах, у абароне нашай дзяржавы, нашых пазіцый, нашых людзей. 722 менавіта такія воіны ўжо сталі Героямі Украіны, і з іх 445 — пасмяротна. Сёння я падпісаў указы аб прысваенні звання Герой Украіны яшчэ чатыром украінцам, на жаль, пасмяротна», — напісаў Уладзмір Зяленскі ў сваім тэлеграм-канале.
Званні прысвоеныя Андрэю Парубію, крымчаніну, былому вязню Крамля Генадзю Афанасьеву, закатаванаму баевікамі ДНР Сцяпану Чубенку і пісьменніку Уладзіміру Вакуленку, які загінуў на Харкаўшчыне.
Былы спікер Вярхоўнай Рады, дзейны народны дэпутат ад палітычнай сілы «Еўрапейская салідарнасць» Андрэй Парубій быў забіты ў Львове 30 жніўня.
У яго страляў 52‑гадовы мужчына, апрануты як кур'ер дастаўкі. Ад васьмі агнястрэльных раненняў палітык загінуў на месцы.
На наступны дзень забойца быў затрыманы. «Я прызнаю, я яго забіў. І хачу прасіць, каб мяне абмянялі на ваеннапалонных, каб я мог паехаць і знайсці цела свайго сына», — заявіў падазраваны.
Ён заявіў, што гэта была «ягоная помста ўкраінскай уладзе». А на пытанне, чаму менавіта ахвярай стаў Парубій, ён адказаў, што палітык «быў побач», а на яго месцы мог быць і экс-прэзідэнт Украіны Пятро Парашэнка.
Мінск сёння вечарам пагрузіўся ў цемру. Пасля загаду Лукашэнкі51
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
Сапраўдныя адданыя Ўкраіне палітыкі, па-мойму, знаходзяцца менавіта ў партыі "ЕС", таму забойца, думаю, і дзейнічаў у гэтым накірунку, каб болей дагадзіць маскалю.