Лукашэнка: Калі не хочаце ўзбекаў, трэба «ўпірацца і працаваць»
23 ліпеня Аляксандр Лукашэнка, разглядаючы кадравыя пытанні, зноў пракаментаваў магчымасць прыцягнення ў краіну працоўных мігрантаў з Узбекістана.
Лукашэнка адзначыў, што гэтая тэма выклікала шырокае абмеркаванне. Паводле яго слоў, калі ў Беларусі хопіць уласных працоўных рэсурсаў, неабходнасці запрашаць замежных работнікаў не будзе. Аднак у шэрагу рэгіёнаў адчуваецца дэфіцыт кадраў.
Лукашэнка панаракаў, што з нагоды тэмы працоўнай міграцыі паднялася «цэлая бура»:
«Ах, вось узбекаў бяруць!» Я [кажу]: «І не трэба, мы нікога браць не будзем, але тады нам трэба ўпірацца і працаваць».
Лукашэнка заявіў, што кіраўнікі прадпрыемстваў разам са старшынямі райвыканкамаў павінны самастойна вызначаць, ці патрэбныя ім работнікі з Узбекістана, а таксама колькі чалавек і па якіх спецыяльнасцях неабходна запрасіць. Ён падкрэсліў, што прымушаць нікога не будуць, і замежных работнікаў будуць прыцягваць толькі там, дзе гэта сапраўды неабходна. У якасці прыкладу ён назваў асобныя раёны Гродзенскай вобласці, у тым ліку Астравецкі.
Таксама Лукашэнка адзначыў, што не варта чакаць прыезду ўжо гатовых высокакваліфікаваных спецыялістаў. Маўляў, частку людзей давядзецца дадаткова навучыць або перападрыхтаваць. Галоўнай умовай ён назваў жаданне працаваць.
Лукашэнка паведаміў, што пытанне працаўладкавання грамадзян Узбекістана абмяркоўвалася падчас сустрэчы з прэзідэнтам гэтай краіны. Паводле яго, узбекскі бок таксама зацікаўлены ў супрацоўніцтве ў сельскай гаспадарцы. Узбекістан гатовы інвеставаць сродкі ў будаўніцтва жывёлагадоўчых комплексаў, аб'ектаў для захоўвання кармоў і перапрацоўчых прадпрыемстваў, а таксама накіроўваць сваіх работнікаў для працы ў Беларусі.
Беларускі бок, паводле слоў Лукашэнкі, гатовы забяспечыць такіх работнікаў сацыяльнымі гарантыямі, у тым ліку жыллём, доступам да адукацыі для дзяцей і медыцынскага абслугоўвання. Пры гэтым ён адзначыў, што сітуацыя будзе іншай, калі чалавек прыедзе толькі дзеля таго, каб зарабіць грошы і адправіць іх на радзіму.
Латвія «па тэхнічных прычынах» закрыла мяжу з Беларуссю12
Каментары
Влез в российский окоп, загнал туда беларусов, за миллиарды долларов на личных счетах, продав Беларусь и беларусов русским и России, тех, кто не захотел быть русским (узбеком) России, почти миллион, выгнал из Беларуси, сделал всё, чтобы оставшиеся не хотели рожать и распрягается, чтобы упирались, и работали на него и его красавцев!