Kataliki zaklikali śviataroŭ Biełarusi spryjać sumlennym vybaram
Hramadzkaja kampanija «Katalik nie falsyfikuje» zaklikała śviataroŭ spryjać sumlennym vybaram. Raniej kampanija źviartałasia da vybarčych kamisij z napaminam, što falsyfikacyi — ciažki hrech, piša radyjo «Svaboda».
Pra što vierniki prosiać śviataroŭ?
- słužyć Imšy i malitoŭnyja nabaženstvy za sumlennyja vybary,
- padčas niadzielnych kazańniaŭ uzdymać temu spraviadlivych vybaraŭ i ŭdziełu ŭ ich katalickich viernikaŭ — pavodle Božaha zakonu, jaki «bolšy za zahady časovaj dziaržaŭnaj ułady»,
- kazać, što pavodle vučeńnia kaścioła, vierniki pavinny ŭdzielničać u palityčnych i hramadzkich pracesach, brać adkaznaść na siabie,
- raspaŭsiudžvać infarmacyju pra kampaniju «Katalik nie falsyfikuje» praz mesendžery i sacsietki,
- raźmiaścić na parafijalnych doškach abviestak infarmacyju ab kampanii za sumlennyja vybary.
«Heta i jość naša katalickaja pieradvybarčaja prahrama — malicca za sumlennyja, svabodnyja i spraviadlivyja vybary», — reziumujuć inicyjatary kampanii.
Na ŭračystaściach u Budsłavie mitrapalit Tadevuš Kandrusievič skazaŭ, što vybary pavinny być sumlennymi, spraviadlivymi i svabodnymi.
«ZŠA chočuć narmalizacyi litoŭska-biełaruskich adnosin. Adsiul i ruchi z ofisam Cichanoŭskaj»9
Kamientary