Z zakaźnika na Alascy prybrali zakinuty aŭtobus, da jakoha ładzili pałomnictvy vandroŭniki. Letaś praź jaho zahinuła biełaruska
Z zakaźnika na Alascy prybrali stary zakinuty aŭtobus, jaki paśla zdymak filma «U dzikich umovach» staŭ sapraŭdnym miescam pałomnictva dla šukalnikaŭ pryhod, paviedamlaje Bi-Bi-Si.
Ułady pryniali hetaje rašeńnie, kab nie padstaŭlać fanataŭ filma niebiaśpiecy: na šlachu da hetaha miesca vandroŭniki musili pierajści ŭbrod raku Tekłanika, admietnuju imklivaj płyńniu.
U lipieni 2019 hoda płyńniu źniesła biełarusku Niku Nikanavu — žonku aktyvista Piatra Markiełava. Piatru ŭdałosia vyciahnuć jaje z vady, ale Nika była ŭžo miortvaja. Para adpraviłasia da zakinutaha aŭtobusa padčas viasielnaha padarožža pa Amierycy.
Aŭtobus staŭ turystyčnaj słavutaściu paśla zdymak filma «U dzikich umovach» (Into the Wild) z Emilem Chirš u hałoŭnaj roli.
Klej Uokier, mer akruhi Denali, dzie znachodzicca adnajmienny nacyjanalny park, u intervju ahienctvu Rejter nazvaŭ aŭtobus «niebiaśpiečnym atrakcyjonam», a jaho źniknieńnie — «vialikaj palohkaj».
Viertalot armii ZŠA ŭ piatnicu 19 červienia padniaŭ iržavuju mašynu ŭ pavietra i pieranios u «biaśpiečnaje miesca», dzie jana pakul budzie znachodzicca.
Aŭtobus, vypuščany nieŭzabavie paśla vajny, u 1961 hodzie kinuli budaŭniki ŭ lesie za 50 km ad bližejšaha nasielenaha punkta. Časam u im načavali miascovyja palaŭničyja.
U 1992 hodzie 24-hadovy amierykanski student Krys Makendles addaŭ usie svaje hrošy na dabračynnaść, adpraviŭsia adzin u nietry Alaski, znajšoŭ aŭtobus i pasialiŭsia ŭ im, kab žyć udalečyni ad cyvilizacyi ŭ harmonii z pryrodaj.
Miarkujučy pa zapisach u dziońniku, Makendles pravioŭ tam 189 dzion. 6 vieraśnia 1992 hoda vypadkovy palaŭničy znajšoŭ u aŭtobusie jaho cieła. Uciakač ad cyvilizacyi pamior ad źniasileńnia abo pamyłkova źjeŭ atrutnuju raślinu.
Žyćcio i śmierć Makendlesa natchnili piśmieńnika Džona Krakaŭera na stvareńnie knihi Into the Wild («U dzikich umovach»), pa jakoj režysior Šon Pen źniaŭ adnajmienny film.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary