Siabroŭka siamji Babaryki i siabra jaho inicyjatyŭnaj hrupy — u SIZA KDB
Štab Viktara Babaryki atrymlivaje infarmacyju ab zatrymanych členach inicyjatyŭnych hrup i inšych asobach ad svajakoŭ i siabroŭ zatrymanych.
Śviatłana Kuprejeva była zatrymanaja ŭ siabie doma ranicaj u čaćvier, 11 červienia. U kvatery ŭ prysutnaści 81-hadovaj maci Śviatłany pačali pravodzić pieratrus, a samu Śviatłanu, biez rečaŭ i źmiennaha adzieńnia, pavieźli rabotniki DFR. Uviečary siabroŭcy Śviatłany paviedamili pa telefonie, što Śviatłana zatrymanaja i budzie znachodzicca ŭ SIZA KDB.
Na nastupny dzień Kuprejeva była dapytanaja, ale ź SIZA nie vyzvalenaja. Pa zakančeńni 72 hadzin jaje taksama nie vypuścili, što moža aznačać tolki toje, što była prymienienaja miera strymańnia ŭ vyhladzie zaklučeńnia pad vartu. Pry hetym ab zaklučeńni pad vartu DFR nie paviedamiŭ ani maci, ani kamu-niebudź ź siabroŭ Kuprejevaj. Pieradać Śviatłanie ŭ SIZA rečy pieršaj nieabchodnaści atrymałasia tolki praz čatyry dni paśla zatrymańnia.
Śviatłana Kuprejeva nikoli nie pracavała ni ŭ Biełhazprambanku, ni ŭ kampanijach «PryvatLizinh», «Kampary», «Kientaŭr» i inš. Ź mieniedžarami hetych arhanizacyj Kuprejeva sumiesnaj dziejnaściu nie źviazanaja. Zatoje Śviatłana Kuprejeva źjaŭlajecca siabram siamji Viktara Babaryki, a taksama siabram jaho inicyjatyŭnaj hrupy, kaardynataram pa adnym z rajonaŭ Minska.
Advakatu admoŭlena ŭ naviedvańni Kuprejevaj ŭ SIZA KDB «u suviazi z karanavirusam» (užo kala troch miesiacaŭ advakatam admaŭlajuć u naviedvańni klijentaŭ u SIZA KDB, spasyłajučysia na prafiłaktyčnyja miery; hetyja miery, adnak, nie źjaŭlajucca pieraškodaj dla znosin sa źniavolenymi ani dla śledčych, ani dla apieratyŭnikaŭ).
Pravodzicca pracedura vopisu i aryštu majomaści, što znachodzicca pa miescy pražyvańnia Śviatłany Kuprejevaj.
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju10
Kamientary