«Skazali: pasiadziš doma, padumaješ». Zvalniajuć fielčara lidskaj chutkaj, jaki atrymaŭ 7 sutak paśla stryma Cichanoŭskaha
Fielčar chutkaj dapamohi ŭ Lidzie Pavieł Palejčyk vymušany syści z pracy. Praź miesiac, 9 lipienia, u jaho skančajecca piacihadovy kantrakt, i novy zaklučać nie buduć.
«Paviedamili biez tłumačeńnia pryčyny. Miesiac dapracoŭvaju, i ŭsio. Kiraŭnictva skazała: pasiadziš doma, padumaješ», — dzielicca miedyk.
Sam jon źbiraŭsia i dalej pracavać na «chutkaj». Kudy pajści ciapier, nie viedaje. U Lidzie jość pryvatny miedcentr, ale, pa słovach Paŭła, tudy tak prosta nie prabicca. Žonka Julija, doktar u rajonnaj balnicy, znachodzicca ŭ dekretnym adpačynku.
Za hady, što fielčar pracavaŭ u balnicy, u jaho była tolki adna vymova. Jamu treba było advieźci baćku ŭ palikliniku, tamu Pavieł adpracavaŭ paŭźmieny i paprasiŭ inšaha kalehu padmianić jaho. Ale kiraŭnictva paličyła heta za prahuł.
Za Paŭła zastupilisia kalehi. Supracoŭniki lidskaj stancyi chutkaj dapamohi napisali zvarot na imia hałoŭnaha doktara rajonnaj balnicy, dzie vykazalisia ŭ padtrymku fielčara i prosiać nie zvalniać jaho. «My viedajem jaho jak prafiesijanała svajoj spravy i nadziejnaha tavaryša. Jaho ŭzrovień kvalifikacyi i ŭmieńniaŭ całkam adpaviadaje pasadzie», — pišacca ŭ zvarocie.
Nahadajem, što prablemy na pracy ŭ fielčara pačalisia paśla sustrečy ź Siarhiejem Cichanoŭskim. Na strymie ŭ błohiera Pavieł vykazaŭsia pra epidemiju ŭ horadzie i situacyju ŭ balnicy. Lidskaha miedyka asudzili na siem sutak.
Ciapier čytajuć
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali11
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary