Dzierman zarehistravaŭ Centr raźvićcia kantynientalnaj intehracyi «Paŭnočnaja Jeŭrazija»
Praŭładny palitołah Alaksiej Dzierman (psieŭdanim — Dziermant), jaki raniej pradstaŭlaŭsia hałoŭnym redaktaram sajta «Imchakłab», zajmieŭ novuju pasadu.
Ciapier jon — dyrektar Centra vyvučeńnia i raźvićcia kantynientalnaj intehracyi «Paŭnočnaja Jeŭrazija». Arhanizacyja była zarehistravanaja ŭ Minsku ŭ sakaviku 2020 hoda.
Jaje mety tyja samyja, što i ŭ raniejšych arhanizacyj, da jakich byŭ datyčny Dzierman, — pašyranaja intehracyja.
Siarod ekśpiertaŭ «Paŭnočnaj Jeŭrazii» pieraličany biełarusy Piatro Piatroŭski i Alaksandr Cichanski, a taksama niekalki rasijan.
***
Kaliści Dzierman byŭ prychilnikam idejaŭ bałctva i nieapahanstva, vydavaŭ časopis «Kryŭja», prytrymlivaŭsia krajnie pravych pohladaŭ. Ale vialikaha pryznańnia nie znajšoŭ, a praź niejki čas pierafarmatavaŭsia ŭ intehratara i vialikaha prychilnika Rasii. Dzierman z achvotaj razmaŭlaje nie tolki ź dziaržaŭnymi biełaruskimi ŚMI, ale daje intervju i dla vydańniaŭ «DNR» i «ŁNR».
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary