Žanaty druhi raz, syn piša vieršy pa-biełarusku: što viadoma pra siamju novaha premjer-ministra Ramana Hałoŭčanki
Kiraŭnikom urada 4 červienia byŭ pryznačany Raman Hałoŭčanka, jaki da niadaŭniaha času ŭznačalvaŭ vajskova-pramysłovy kamitet.
Pra aficyjnyja staronki bijahrafii čynoŭnika ŭžo niamała było napisana, «NN» ža raskapała niekatoryja fakty pryvatnaj bijahrafii premjera.
Raman Hałoŭčanka naradziŭsia ŭ Žodzinie. Adtul ža pachodziać maci, baćka, dziady čynoŭnika. Abodva dziady byli vieteranami Druhoj suśvietnaj.
Dzied pa miačy Mikałaj Cimafiejevič viarnuŭsia z vajny mocna pakalečanym, u jaho nie było voka, byli inšyja prablemy sa zdaroŭjem. Pracavaŭ jon na BiełAZie.
Dzied pa kudzieli Valancin Viktarynavič Jakaŭleŭ ad 1963 da 1973 hadoŭ byŭ dyrektaram filijała Minskaha aŭtamiechaničnaha technikuma, jaki adkryli pry BiełAZie. Valancin Jakaŭleŭ taksama prajšoŭ vajnu, byŭ padpałkoŭnikam u adstaŭcy. Jahonaja žonka Kłaŭdzija pracavała biblijatekaram u pałacy kultury BiełAZa.
Usia siamja Hałoŭčankaŭ žyła i žyvie ŭ Žodzinie dastatkova kampaktna: na vulicy 40 hadoŭ Kastryčniku, a taksama ŭ rajonie, jaki miascovyja nazyvajuć «dziaržynkaj», blizu Pałaca kultury BiełAZa.
U dzieda premjera pa baćkoŭskaj linii było troje synoŭ: Alaksandr, Mikałaj i Anatol. Usie žyvuć i siońnia. Mikałaj i Anatol tak i zastalisia ŭ Žodzinie. Darečy, Mikałaj papracavaŭ vykładčykam matematyki ŭ Žodzinskim technikumie, jaki ŭtvaryŭsia na bazie vyšejzhadanaha filijała.
A voś Alaksandr u pačatku 1980-ch pierajechaŭ z Žodzina ŭ Minsk. Jon znajšoŭ pracu na MTZ, pracavaŭ u kanstruktarskim biuro. Atrymaŭ kvateru ŭ stalicy. Svajaki raskazvajuć, što była jana ŭ starych damach la MTZ.
U samim Žodzinie budučy premjer-ministr pažyŭ tolki kala 10 hadoŭ. Pačynaŭ vučycca ŭ SŠ №1 Žodzina. Davučvaŭsia ŭžo ŭ Minsku.
U kancy isnavańnia SSSR baćki Ramana Hałoŭčanki źjechali pa pracoŭnaj kamandziroŭcy ŭ Finlandyju. Tudy baćku adpravili z zavoda MTZ, pražyli jany ŭ Chielsinki niekalki hadoŭ, a potym viarnulisia ŭ Minsk.
Sam Raman vučyŭsia ŭ toj čas u MDIMA. Raman byŭ adzinym dziciom u siamji. Ni bratoŭ, ni siaścior u jaho niama.
U Hałoŭčanki troje dziaciej. Starejšy syn Hieorhij ad pieršaha šlubu, i dźvie dački ad druhoha. Syn vučyŭsia ŭ himnazii №36 na vulicy Čechava ŭ Minsku. Prajaŭlaŭ vydatnyja zdolnaści pa hieahrafii, udzielničaŭ u alimpijadach.
Paśla škoły Hieorhij źjechaŭ vučycca ŭ Maskvu, pastupiŭ u MDTU imia Baŭmana na kafiedru kaśmičnych aparataŭ i rakietaŭ-nośbitaŭ. Padpracoŭvaŭ repietytaram pa hieahrafii, matematycy, fizicy.
U sacyjalnaj sietcy ask.fm na pytańnie, jak budzie vyhladać tvaja radzima praz 50 hadoŭ, Hieorhij Hałoŭčanka adkazaŭ: «Ad mora da mora».
Hieorhij piša biełaruskamoŭnyja vieršy. Voś adzin ź ich, pryvodzim jaho ŭ aryhinale:
Dočki ŭ premjera ad druhoha šlubu małyja, jany jašče nie chodziać u škołu. Žyvie siamja Hałoŭčankaŭ u Minsku na vulicy Maksima Tanka.
Šrajbman z kalehami prapanavali pakrokavy płan deeskałacyi adnosin Biełarusi i ES53
Kamientary