893 kiłamietry za 18 hadzin: u Biełarusi źjaviŭsia novy najdaŭžejšy čyhunačny maršrut
U sistemie prodažu kvitkoŭ Biełaruskaj čyhunki źjaviŭsia novy ciahnik № 606/605 Brest-Połack. Raniej bieśpierasadačnaje čyhunačnaje złučeńnie pamiž hetymi haradami adsutničała. Faktyčna, Biełaruskaja čyhunka padoŭžyła maršrut isnujučaha ciahnika Brest — Viciebsk da Połacka, piša virtualbrest.by.
Novy ciahnik pačynaje kursiravać štodnia adpraŭleńniem z Bresta ad 19 maja, z Połacka — ad 18 maja. Ciahnik budzie adpraŭlacca z Bresta ŭ 17.19, prybyvać u Połack u 12.31. U advarotny bok adpraŭleńnie z Połacka ŭ 14.44, prybyćcio ŭ Brest u 08.35. U darozie pasažyram pryjdziecca pravieści bolš za 19 hadzin. Cana kvitka ŭ kupejny vahon składaje 28 rubloŭ, u płackartny — 20 rubloŭ.
Maršrut novaha ciahnika Brest-Połack prachodzić praź Pinsk, Łuniniec, Kalinkavičy, Žłobin, Mahiloŭ, Oršu i Viciebsk. Ahulnaja adlehłaść pa maršrucie składaje 893 km. takim čynam, novy ciahnik Brest-Połack stanie samym praciahłym čyhunačnym maršrutam u Biełarusi. Zaraz hety status naležyć ciahniku № 632/631 Hrodna-Minsk-Homiel (daŭžynia maršruta 801 km). U raniejšyja hady najbolšuju adlehłaść unutry Biełarusi pieraadolvaŭ ciahnik № 658/662 Brest-Kamunary (876 km).
Čytajcie taksama:
Čyhunačny marafon — dramy i budni najdaŭžejšaha maršrutu ŭ Biełarusi REPARTAŽ
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary