MAZ stvaryŭ pieršy elektrobus: vyhladaje jak zubr, z kandycyjanieram i USB-zaradkami FOTA
Mienski aŭtazavod vypuściŭ svoj pieršy elektrobus. Navinka adnosicca da aŭtobusaŭ apošniaha pakaleńnia i zdolnaja biez padzaradki prajechać bujny horad uzdoŭž i ŭpopierak.
MAZ 303Je10 staŭ pieršym elektrobusam ź nizkaj padłohaj. Zapas chodu aŭtobusa — da 300 km, što paraŭnalna ź pieradavymi madelami suśvietnych vytvorcaŭ. Vonkava aŭtobus nahadvaje «mižharodnik» i abyhryvaje siłuet zubra — takoje adčuvańnie stvaraje kałarytnaja «harbinka» na dachu.
Elektryčny MAZ vykarystoŭvaje niamiecki elektraruchavik ZF CeTrax. Batarei-nazapašvalniki zaradžajucca ad aŭtanomnaha transfarmatara ŭ 380 volt abo na śpiecyjalna abstalavanych stancyjach. Pry maksimalnym toku na heta patrabujecca da 4 hadzin.
U sałonie z kamfortam raźmiaščajecca bolš za 70 pasažyraŭ, ź ich 30 — na siadzieńniach. Jašče 14 miescaŭ praduhledžana ŭ biezbarjernaj zonie.
Sałon sučasny — ź ciopłymi knopkami, bieskantaktavaj sistemaj supraćzaziamleńnia i vysoŭnaj aparellu dla ludziej na invalidnych vazkach. Usie šerahi siadzieńniaŭ abstalavanyja USB-partami, kab pasažyry mahli zaradzić padčas šlachu smartfony i płanšety.
Važnaja detal: u elektrobusie realizavali elektryčnaje aciapleńnie, što robić jaho całkam ekałahičnym. Kandycyjanier pracuje jak na abahravańnie, tak i na achaładžeńnie.
Ciapier čytajuć
Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?1
Kamientary