Jašče ŭ adnym dziciačym sadku ŭ Minsku paćvierdzili karanavirus. Pravierać usich dziaciej
U nastaŭnicy ź dziciačaha sadka № 434 u Minsku paćvierdzili karanavirus. Usich dziaciej adpravili dachaty, im zrobiać mazki. Pra heta Svabodzie paviedamili baćki, čyjo dzicia chodzić u hety sadok.
«Nam pazvaniła vychavacielka i skazała, što ŭ adnoj z nastaŭnic sadka siońnia paćvierdzili karanavirus. Učora jaje zabirali z padazreńniem», — skazali Svabodzie.
COVID-19 paćvierdzili nie ŭ vychavacielki hrupy, a ŭ nastaŭnicy, jakaja štodnia zajmałasia ź dziećmi ŭsich hrup.
«Nam skazali, što, chutčej za ŭsio, zaŭtra dachaty pryjeduć daktary i voźmuć mazki na karanavirus. Bo našyja dzieci ciapier — kantakty pieršaha ŭzroŭniu», — skazaŭ baćka adnaho ź dziaciej.
Jon udakładniŭ, što apošnim časam u sadok chadziła mała dziaciej. U bolšaści hrup było ŭsiaho pa 2—3 čałavieki. Niekatoryja ŭvohule byli zakrytyja.
«Pra karancin pakul ničoha nie kazali. Prosta paprasili napisać zajavu, što da kanca tydnia dzieci zastanucca doma», — skazaŭ jon.
Va ŭpraŭleńni adukacyi Savieckaha rajona paćvierdzili, što viedajuć pra vypadak z karanavirusam u sadku. Ale ci zakryjuć sadok na karancin, čynoŭniki nia mohuć skazać, bo sadok adnosicca da Nacyjanalnaj akademii navuk.
Heta prynamsi treci paćvierdžany vypadak karanavirusa ŭ dziciačym sadku ŭ Minsku. Raniej pisałasia, što ŭ vychavacielki i piaci dziaciej sadka № 455 taksama paćvierdzili karanavirus. Taksama karanavirus vyjavili ŭ nianiečki minskaha dziciačaha sadka № 566. Paśla balničnaha jana nibyta nie kantaktavała ź dziećmi, ale ŭsiu hrupu, dzie jana pracavała, izalavali, a taksama i baćkoŭ dzietak.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary65
Kamientary