Ministr Karanik: Urad razhladaje pytańnie dadatkovaha zaachvočvańnia miedykaŭ, što pracujuć z karanavirusam
Pra heta paviedamiŭ žurnalistam, adkazvajučy na pytańnie BIEŁTA, ministr achovy zdaroŭja Uładzimir Karanik siońnia pa vynikach narady ŭ Łukašenki ab hatoŭnaści sistemy achovy zdaroŭja procidziejničać pahrozam raspaŭsiudžvańnia infiekcyi.
Ministr adznačyŭ, što zaraz «tyja miedyki, jakija pracujuć z karanavirusnymi chvorymi, užo atrymlivajuć metavyja dapłaty, źviazanyja z pavyšeńniem napružanaści pracy». «Uradam na siońniašni momant abmiarkoŭvajecca pytańnie pavieličeńnia hetych dapłat dla taho, kab jašče raz prademanstravać, nakolki kaštoŭnaja miedycynskaja praca», — padkreśliŭ ministr.
Pry hetym jon zaŭvažyŭ: «Choć kolki my ni razmaŭlali z našymi kalehami, nichto nie staviŭ na pieršaje miesca mienavita pytańnie materyjalnaha stymulavańnia. Ludzi vykonvajuć svoj doŭh, ale my razumiejem, u jakich ciažkich umovach jany pracujuć, i, pa-pieršaje, užo pavialičyli dapłaty, a pa-druhoje, budziem imknucca rabić heta i dalej», — padkreśliŭ Uładzimir Karanik.
Kamientary