Banki rajać raspłačvacca kartami, bo ŭsie najaŭnyja adpraŭlajuć u karancin
Banki rekamiendujuć biełarusam skaracić vykarystańnie najaŭnych hrošaj na karyść dystancyjnaj apłaty tavaraŭ i pasłuh. Niekatoryja i zusim rajać ustrymacca ad apłaty hatoŭkaj. U Nacbanku raspaviali TUT.BY, jakija hrošy traplajuć pad karancin.
Tam rastłumačyli, što ciapier «ŭsia hrašovaja najaŭnaść, jakaja pastupaje ŭ Nacyjanalny bank, pieršapačatkova źmiaščajecca na 14-dzionny karancin».
— Zatym ažyćciaŭlajecca starannaje sartavańnie banknot i maniet pa stupieni zabrudžanaści i znosu, paśla jakoj nazad u abaračeńnie vydajucca tolki čystyja, biez paškodžańniaŭ banknoty i maniety, a pa nizkich naminałach banknot (5 i 10 rubloŭ) — u abaračeńnie vydajucca pieravažna novyja banknoty. Pry hetym varta ŭličvać, što kolkaść hrašovaj najaŭnaści, jakaja vypuskajecca z Nacyjanalnaha banka štomiesiac, składaje nievialikuju dolu ŭsioj najaŭnaści, jakaja znachodzicca ŭ abarocie (u kasach bankaŭ i NKFA, na rukach u fizičnych asob, u kasach jurydyčnych asob, indyvidualnych pradprymalnikaŭ i h.d.), — rastłumačyli ŭ Nacbanku.
Rehulatar źviartaje ŭvahu na toje, što «paśla kantaktu navat z banknotami i manietami, jakija nie majuć zabrudžvańniaŭ, nieabchodna vykonvać tradycyjnyja praviły hihijeny».
«Najbolš ža biaśpiečnym źjaŭlajecca vykarystańnie bieskantaktavych płaciažoŭ i dystancyjnych kanałaŭ bankaŭskaha absłuhoŭvańnia», — adznačajuć u Nacbanku.
Kamientary