Avijakampanija «Rasija» nie puściła na bort kampaniju biełarusaŭ, jakija viartalisia z Tajłanda tranzitam praz Maskvu
Biełaruska Nastaśsia Zavalej razam ź siabroŭkaj Halinaj Kudzinaj adpačyvali dva tydni ŭ Tajłandzie. Siońnia, 18 sakavika, jany pavinny byli viartacca praz Maskvu.
«Da Minska my źbiralisia jechać na ciahniku. A 3-j hadzinie nočy nam patelefanavaŭ turahient, skazaŭ, što my pavinny budziem pradastavić avijakvitki, kab paćvierdzić, što my ŭ Maskvie tranzitam i źjazdžajem u toj ža dzień. Čyhunka, maŭlaŭ, nie padychodzić, tolki avija. My terminova kupili kvitki Maskva — Minsk praź Picier, vylet z aeraporta Unukava a 22 hadzinie — hety najbližejšy vylet pa časie, što my zmahli znajści. Addali 300 dalaraŭ za čałavieka», — raskazvaje dziaŭčyna.
Z Banhkoka jany ź siabroŭkaj musili vylacieć u 12:40 (8:40 pa minskim časie). Ale ich prosta nie puścili na rejs.
Dziaŭčaty zachraśli ŭ aeraporcie Banhkoka, jak być dalej, nie viedajuć.
«Ukrainskich turystaŭ adrazu paklikali pradstaŭniki konsulstva, niešta arhanizavali dla ich. My ŭ razhublenaści, skaapieryravalisia ŭ aeraporcie jašče z tryma biełarusami, jakija ŭ takoj ža situacyi. Nam skazali, što my nie možam sieści na inšy rejs i vylecieć praz Rasiju. Kab nam trapić z Banhkoka ŭ Minsk, naprykład, tureckimi avijalinijami praz Abu-Dabi, treba addać ad 700 da 900 dalaraŭ na čałavieka. Kvitki raźlatajucca jak piražki, my ŭžo hladzim na 23-24 sakavika. Hałoŭnaje, kab hetyja krainy nie zakrylisia da hetaha času. My možam kupić kvitki i znoŭ nie palacieć, nam ža nichto nie daje nijakich harantyj», — apisvaje situacyju Nastaśsia.
Biełaruski nabyvali tur u ahienctvie «Pandaintur». Tam raskazvajuć, što ŭsio zdaryłasia praz rasijskaha turapieratara, jaki farmiravaŭ hetyja pucioŭki.
«Rasijski turapieratar «Biblija-Hłobus» i avijakampanija «Rasija» kinuli našych turystaŭ. Pastanovu №635 jany traktujuć pa-svojmu. Tam skazana, što lubych hramadzian, jakija prylatajuć tranzitam, možna prapuskać praź miažu. Ale turapieratar dla siabie patłumačyŭ heta inakš i ŭ adnabakovym paradku anulavaŭ kvitki. I ŭ MZS, i ŭ konsulstvie Tajłanda kažuć, što jany nie mieli prava nie puścić našych hramadzian na rejs, ale jak uzdiejničać na «Biblija-Hłobus», niezrazumieła», — kamientuje situacyju ŭładalnik ahienctva «Pandaintur» Chuzairy Jusef.
Pa jaho słovach, praź dziejańni rasijskaha turapieratara tolki ŭ ich u Indyi i Tajłandzie zachraśli pad 30 turystaŭ.
«My starajemsia dapamahčy ludziam, uvieś čas ź imi na suviazi, źviartajemsia va ŭsie orhany», — dadajuć u ahienctvie.
U MZS tłumačać, što biełaruskija turysty mohuć viarnucca z Rasii pavietranym šlacham. Zrabić heta možna tolki praz dva aeraporty: Damadziedava i Šaramiećjeva.
«Ministerstva zamiežnych spraŭ padklučyłasia da hetaj situacyi, pra vynik my vam paviedamim», — adkazaŭ «Našaj Nivie» pres-sakratar MZS Biełarusi Anatol Hłaz.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki25
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu1010
Kamientary