«Niama navat na składach». Biełarusy raskupili miedycynskija maski. Kali jany źjaviacca, u aptekach nie viedajuć
27 lutaha ŭ Biełarusi vyjavili pieršy vypadak zaražeńnia karanavirusam. Jaho vyjavili ŭ studenta ź Irana, jaki prylacieŭ u Minsk rejsam z Baku 22 lutaha. TUT.BY abtelefanavaŭ apteki i vyśvietliŭ, što biełarusy raskupili ŭsie miedycynskija maski, a kali buduć novyja — nieviadoma.
Na sajcie tabletka.by na 13.00 28 lutaha miedycynskija maski ličylisia ŭ najaŭnaści tolki ŭ adnoj aptecy, ale zatoje adrazu 50 upakovak.
— Heta było a 10 ranicy, ciapier užo raskupili, — skazali nam u aptecy. — Kali buduć — nieviadoma. Ich niama na składach, adkul im źjavicca?
U aptecy sietki «Iskamied» raspaviali, što zvyčajna miedycynskija maski pryvoziać adzin-dva razy na tydzień, i ich adrazu raźbirajuć.
— Niejkaha peŭnaha hrafiku pryvozu niama, prahnozu — taksama, — dadali tam.
U sietcy «Biełfarmacyja» paviedamili, što pa horadzie maski zastalisia ŭ adzinkavych aptekach i ŭ kolkaści dvuch-troch štuk. Pra mahčymyja terminy pastupleńniaŭ masak tam taksama ničoha nie viedajuć.
U SAAZ ličać, što zvyčajnaja miedycynskaja maska nie moža abaranić ad karanavirusa, kali nie spałučać jaje vykarystańnie z pravilnym myćciom ruk i inšymi mierami.
U Centry ekśpiertyz i vyprabavańniaŭ u achovie zdaroŭja Biełarusi raniej raspaviadali, što našeńnie maski — heta tolki dadatkovaja krynica zaściarohi.
SAAZ raić u bytavych umovach rabić upor na vykanańnie ahulnych pravił asabistaj hihijeny, a nie na našeńnie masak:
— rehularna myjcie ruki z myłam;
— nie čapajcie rukami vočy, nos i rot;
— pry kašli i čchańni prykryvajcie rot i nos survetkaj abo zhibam łokcia.
Pry hetym u aptekach jość supraćvirusnyja preparaty, u tym liku interfierony.
Karanavirus pryjšoŭ u Biełaruś: student BNTU ź Irana i jaho atačeńnie ŭ infiekcyjoncy
Simptomy, pieraściarohi, praviły pavodzin. Karanavirus u Biełarusi
U infiekcyjnaj balnicy Minska abviaścili karancin
«Papraŭlajsia, bracie!» Chvoramu na karanavirus irancu biełarusy pišuć słovy padtrymki
Karanavirus u Biełaruś pryjšoŭ z krainy, jakaja chavała jaho najaŭnaść
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary