Siabra «Maładoha frontu» Alaksandr Łatyšaŭ, jakoha šukali paplečniki, «znajšoŭsia» ŭ vojsku
Siabra «Maładoha Frontu» Alaksandar Łatyšaŭ, jakoha šukali paplečniki, «znajšoŭsia» ŭ vojsku. «Jon ad siońnia ŭ našaj častcy, ciapier u karantynie. Učora jon byŭ adpraŭleny z Homla», — paćvierdziŭ dziažurny 52-ha specyjalnaha pošukavaha bataljonu, što dyślakujecca pad Lepielem, piša Radyjo Svaboda.
Alaksandar Łatyšaŭ — sa Žłobinskaha rajonu. Vučyŭsia ŭ Polščy, potym viarnuŭsia ŭ Biełaruś.
Tryvohu zabili jaho siabry i paplečniki, tamu što jon ad 15 listapada nie vychodziŭ na suviaź.
«15 listapada Alaksandar mnie paviedamiŭ, što planuje pajechać va Ŭkrainu, adtul — u Polšču. I bolš nie vychodzić na suviaź», — kazaŭ Svabodzie jahony pryjaciel Dźmitry Marakoŭ.
Były siabra «Maładoha frontu» Andruś Cianiuta śćviardžaje, što Alaksandar Łatyšaŭ u vieraśni chadziŭ pa poźvie ŭ vajenkamat i «tam jaho čakaŭ supracoŭnik KDB».
«Pavodle słoŭ Alaksandra, supracoŭnik KDB pytaŭsia ŭ jaho pra vučobu ŭ Polščy i pra mianie», — dadaŭ Andruś.
U 2014 hodzie Alaksandra Łatyšava adpraŭlali na psychijatryčnuju ekspertyzu «ŭ suviazi z udziełam u partyi «Małady Front»» — mienavita tak było napisana ŭ nakiravańni ad žłobinskich lekaraŭ. U Homielskim abłasnym psychijatryčnym špitali adchileńniaŭ u jaho nie znajšli.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary