Dziaŭčynu, što sprabavała ŭkinuć pačak biuleteniaŭ na ŭčastku ŭ Breście, znajšli
Jeŭraradyjo znajšło vierahodnuju falsifikatarku, jakaja sprabavała ŭkinuć stos biuleteniaŭ na vybarčym učastku №37 u Breście. Anastasija Kuličkova pracuje piedahoham-psichołaham u dziciačym sadku, jaki mieścicca za 50 mietraŭ ad vybarčaha ŭčastka, dzie adbyłosia parušeńnie.
Pa niejkim supadzieńni staršynia ŭčastkovaj vybarčaj kamisii — Taćciana Alaksiejeŭna Mosina — dyrektarka hetaha dziciačaha sadka.
Anastasija Kuličkova sioleta skončyła 4-y kurs sacyjalna-piedadahičnaha fakulteta BrDU imia A.S. Puškina. Možacie sami paraŭnać dziaŭčynu na videa sa zdymkami Anastasii.
U vučebna-piedahahičnym kompleksie «Dziciačy sad-pačatkovaja škoła №1 h. Bresta», dzie pracuje Kuličkova, Jeŭraradyjo raspaviali, što jaje niama na pracoŭnym miescy. Nie adkazvaje i telefon Taćciany Mosinaj — jaje ŭ nas nie atrymałasia znajści ni ŭ sadku, i na vybarčym učastku. Tam, darečy, pačuŭšy pra videa z ukidam, nas adrazu pierabili: «Heta vam da Taćciany Alaksiejeŭny».
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary