«Pieršyja»: startuje konkurs idej dla staršakłaśnikaŭ na biełaruskaj movie
Z 8 kastryčnika ŭ Biełarusi startuje sacyjalna-adukacyjny prajekt «Pieršyja» — konkurs jaskravych idej pakaleńnia Z: navučencaŭ 9, 10 i 11-ch kłasaŭ. Na praciahu navučalnaha hoda ŭdzielniki prajekta buduć racpracoŭvać svaju ideju, raźvivać navyki publičnaha vystupleńnia i samaprezientacyi, atrymlivać karysnyja viedy na vorkšopach i sustrečach z ekśpiertami. 10 finalistaŭ prajekta, jakich abiare žury, atrymajuć piersanalnych mientaraŭ TEDx i ź ich dapamohaj buduć rychtavacca da svajho vialikaha publičnaha vystupu na maštabnaj moładzievaj kanfierencyi TEDxYouth@Minsk.
Mienavita 10 finalistaŭ vyjduć u znakamity čyrvony kruh TED i prezientujuć svaje idei pierad vialikaj aŭdytoryjaj. Usie jany atrymajuć pryzy — iPhone Xs. Prajekt «Pieršyja» budzie całkam realizavany na biełaruskaj movie, u tym liku ŭsie majstar-kłasy i publičnyja vystupy finalistaŭ, bo adna z metaŭ hetaj inicyjatyvy — pašyreńnie vykarystańnia biełaruskaj movy i jaje viadomaści ŭ suśvietnaj prastory z dapamohaj supolnaści TED.
Sacyjalna-adukacyjny prajekt «Pieršyja» realizujecca kampanijaj A1 pry padtrymcy arhanizataraŭ kanfierencyj TEDxMinsk. U minułym hodzie kampanija A1 užo pravodziła padobny adukacyjny prajekt velcom YOUTH. Prajekt «Pieršyja» projdzie jašče bolš maštabna — zapłanavany vorkšopy i adukacyjnyja mierapryjemstvy nie tolki ŭ Minsku, ale i ŭ Harodni, Homieli, Mahilovie i Viciebsku.
Bolš za toje, u hetym hodzie akramia navučencaŭ 10 i 11-ch kłasaŭ da ŭdziełu ŭ konkursie zaprašajucca i navučency 9-ch kłasaŭ. Pašyrana i tematyka konkursu: da kirunkaŭ «Technałohii», «Kultura» i «Inkluzija» dadaŭsia vialiki błok «Ekałohija». Bolš padrabiazna možna daviedacca na sajcie generation.A1.by i ŭ supołcy prajekta.
Zhodna z pałažeńniem na sajcie konkursu, pryjom zajavak budzie prachodzić z 8 kastryčnika 2019 h. pa 8 sakavika 2020 h. U pieršapačatkovaj zajaŭcy treba sfarmulavać svaju ideju i koratka raskazać pra jaje. Zarehistravanych udzielnikaŭ prajekta čakajuć interaktyŭnyja vorkšopy ad ekśpiertaŭ u halinie majsterstva prezientacyi i aratarskaha mastactva, a taksama ad viadomych biełaruskich i zamiežnych śpiecyjalistaŭ pa kirunkach konkursu.
Udzielniki konkursu buduć mieć mahčymaść dapracavać svaju ideju. Da 8 sakavika 2020 h. videarolik z pašyranaj prezientacyjaj nieabchodna budzie raźmiaścić na svajoj staroncy ŭ adnoj z sacyjalnych sietak z chešteham #generationA1 i dasłać spasyłku na [email protected].
Aŭtary samych jarkich, cikavych, značnych, pierśpiektyŭnych i aryhinalnych idej trapiać u lik 10 finalistaŭ. Jany naviedajuć TEDxMinsk 2020 i pačnuć pracavać nad prezientacyjaj svajoj idei ź mientarami TEDx. Ich vystupleńni adbuducca na vynikovym mierapryjemstvie TEDxYouth@Minsk u mai 2020 hoda. Tranślacyju kanfierencyi budzie vieści videaservis VOKA.
«Pieršyja» ŭžo na starcie! Dałučajciesia!
Dla daviedak
Historyja TED:
TED (ad anhł. technology, entertainment, design — technałohii, zabavy, dyzajn) — suśvietna viadomy farmat kanfierencyj, pieršaja ź jakich adbyłasia ŭ 1984 hodzie ŭ ZŠA. Ich misija — raspaŭsiudžańnie i prasoŭvańnie ŭnikalnych idej. Siarod viadomych udzielnikaŭ TED-kanfierencyj — Ściŭ Džobs, Ścivien Chokinh, Bił Klintan i inš.
TEDx — prajekt TED, jaki dazvalaje asobnym ludziam ci hrupam ludziej pravodzić niezaležnyja kanfierencyi ŭ farmacie i pa licenzii TED.
Historyja TEDx u Biełarusi:
Pieršaje mierapryjemstva ŭ farmacie TEDx u Biełarusi adbyłosia ŭ 2009 h. Z tych časoŭ było praviedziena 8 łakalnych mierapryjemstvaŭ.
Kanfierencyja TEDxMinsk2019 prajšła ŭ Kupałaŭskim teatry i stała adnoj z samych jaskravych intelektualnych padziej krainy.
U 2018-2019 hh. u Biełarusi ŭpieršyniu byŭ praviedzieny sacyjalna-adukacyjny prajekt velcom YOUTH dla staršakłaśnikaŭ, dziasiatka finalistaŭ jakoha stali śpikierami vialikaj moładzievaj kanfierencyi TEDxYouth@Minsk.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary