Užo siońnia abvieściać pieramožcu Premii Hiedrojcia — hladzicie prahramu

25 vieraśnia ŭ prastory ZAL#2 mienskaha Pałaca mastactvaŭ adbudziecca šerah mierapryjemstvaŭ Premii imia Ježy Hiedrojca, finałam jakich stanie hanaravańnie sioletnich łaŭreataŭ.

Pavialičyć

A 16.00 raspačniecca dyskusija «Kultura jak hieapalityka: viektary spadčyny Ježy Hiedrojca» z udziełam polskich i biełaruskich intelektuałaŭ.

Postać redaktara lehiendarnaj «Kultury», jahony ŭpłyŭ na sučasnuju kulturu i palityčnuju dumku abmiarkujuć pieršy namieśnik ambasadara Respubliki Polšča ŭ Biełarusi Marcin Vajciachoŭski, žurnalistka Maryja Pšełomiec, Ihar Babkoŭ, prazaik, paet, fiłosaf, kuratar «Biełaruskaha Kalehijumu», łaŭreat Premii Ježy Hiedrojca, staršynia Biełaruskaha PEN-Centra Taćciana Niadbaj, hałoŭny redaktar časopisa «Dziejasłoŭ», staršynia Sajuza biełaruskich piśmieńnikaŭ Barys Piatrovič. Maderatar dyskusii — Andrej Chadanovič.

Z 19.00 pačniecca ŭračystaja cyrymonija ŭznaharodžańnia łaŭreataŭ Premii Hiedrojca.

Jak i letaś, da pavieličeńnia pryzavoha fondu za I miesca dałučylisia pradstaŭniki ajčynnaha biznesu.

Sioleta mecenatami łaŭreata stalisia advakackaje biuro «Baraŭcoŭ i Salej» i Pryvatnaje pradpryjemstva «Terasoft». Pryzam za II miesca ad Sajuza biełaruskich piśmieńnikaŭ budzie tvorčy adpačynak u Bałtyjskim centry piśmieńnikaŭ i pierakładčykaŭ na vostravie Hotłand (Šviecyja). Fundataram III miesca Premii Hiedrojca sioleta vystupaje Biełaruskaja słužba Radyjo Svaboda, jakaja harantuje vypusk aŭdyjaknihi pryziora.

Padčas cyrymonii ŭpieršyniu budzie ŭručanaja ŭznaharoda ŭ naminacyi «Vybar Aleksijevič». Nobieleŭskaja łaŭreatka zrobić svoj vybar z šaści knih, jaki ŭvajšli ŭ šort-list. Pryzam stanie telefon iPhone Xr.

Muzyčnaje supravadžeńnie cyrymonii zabiaśpiečyć hurt VIBECLUB.

U karotki śpis Premii Hiedrojca sioleta ŭvajšli:

• «Poŭnia» Michała Andrasiuka,
• «Sadomskaja jabłynia» Aleny Brava,
• «Časam panki pamirajuć» Siarhieja Kalendy,
• «Libido» Illi Sina,
• «Viartańnie Lilit» Julii Šarovaj,
• «Padarožža ŭ BNR» Siarhieja Šupy. 

Skład žury Premii Hiedrojca:

• Maksim Žbankoŭ, kulturołah, krytyk, eseist;
• Žana Kapusta, litaraturny krytyk, litaraturaznaŭca;
• Maryja Martysievič, paetka, pierakładčyca, arhanizatarka kulturnickich prajektaŭ;
• Anžeła Mielnikava, litaraturaznaŭca;
• Aleś Paškievič, prazaik, litaraturaznaŭca, pieršy namieśnik staršyni Sajuza biełaruskich piśmienikaŭ;
• Hanna Sieviaryniec, prazaik, archivist, litaraturaznaŭca, nastaŭnica.

Arhanizatary Premii Hiedrojca: Biełaruski PEN-Centr i Sajuz biełaruskich piśmieńnikaŭ.

Premija imia Ježy Hiedrojca zasnavanaja Biełaruskim PEN-Centram, Sajuzam biełaruskich piśmieńnikaŭ i Polskim Instytutam u Minsku i ŭručajecca za najlepšuju knihu ŭ žanry mastackaj i dakumientalnaj prozy. Uznaharoda maje status hałoŭnaj niezaležnaj litaraturnaj premii Biełarusi.

Papiarednija pieramožcy: Pavał Kaściukievič, «Zbornaja RB pa niehałoŭnych vidach sportu» (2012), Uładzimir Niaklajeŭ, «Aŭtamat z haziroŭkaj ź siropam i biez» (2013), Ihar Babkoŭ, «Chvilinka: Try historyi» (2014), Viktar Kaźko, «Čas źbirać kości» (2015), Maks Ščur, «Zaviaršyć hieštalt» (2016), Źmicier Bartosik, «Byŭ u pana vierabiejka havaruščy» (2017), Uładzimir Arłoŭ, «Tancy nad horadam» (2018).

• 0
• 0
• 0
• 0
• 0
• 0
• 0
• 0