U Biełarusi jość čynoŭnik, jaki na vybarach nabiraje bolš za Łukašenku. I jon čaćviorty raz idzie ŭ parłamient!
Śpikier Pałaty pradstaŭnikoŭ Uładzimir Andrejčanka vyrašyŭ pieraabracca ŭ parłamient jašče raz. Jon uznačalvaje nižniuju pałatu parłamienta ŭžo 12 hadoŭ, try sklikańni zapar.
Jak paviedamlaje sajt Dokšyckaha rajvykanama, akruhovaja kamisija zarehistravała inicyjatyŭnuju hrupu palityka.
Kali hladzieć na ličby, ź jakimi pieramahaje Andrejčanka, možna skłaścisia ŭražańnie jaho šalonaj papularnaści.
U 2008 hodzie vybarčyja kamisii naličyli jamu 85,9% hałasoŭ. U 2012 hodzie ŭ pratakołach było napisana, što ŭ Andrejčanki 86,7% padtrymki. Narešcie, u 2016 hodzie ličby jašče padraśli — až da 86,8%.
***
Uładzimir Andrejčanka naradziŭsia ŭ 1949 u vioscy Marjanava Loźnienskaha rajona. Skončyŭ Łužaśnianski sielhastechnikum (1968), Vielikałucki sielskahaspadarčy instytut (1977), Minskuju vyšejšuju partyjnuju škołu (1988). Paśla słužby ŭ vojsku pracavaŭ ahranomam. U 1972—1975 — instruktar u Loźnienskim rajkamie kamsamoła, a paśla ŭ rajkamie KPB. U 1975—1978 — sakratar partkama saŭhasa «Adamienki», u 1978—1981 — staršynia kałhasa imia Danukałava Loźnienskaha rajona. U 1981—1985 — načalnik upraŭleńnia sielskaj haspadarki Loźnienskaha rajvykankama, u 1985-1987 — staršynia rajvykankama. U 1987—1991 hadach — staršynia Vierchniadźvinskaha rajsavieta, pieršy sakratar Vierchniadźvinskaha rajkama KPB. U 1991—1994 — namieśnik staršyni Viciebskaha abłvykankama pa sielskaj haspadarcy, u 1994—2008 — staršynia Viciebskaha abłvykankama. Z 2008 — staršynia Pałaty pradstaŭnikoŭ.
Čytajcie taksama:
Repartaž z radzimy staršyni pałaty pradstaŭnikoŭ
Śpikier Andrejčanka pryvatyzavaŭ apartamienty koštam $400 tysiač: padrabiaznaści
Stali viadomyja padrabiaznaści taho, jak u Vjetnamie zatrymali Vieramiejčyka21
Kamientary